61. Talis idea est angelorum de homine; quapropter nusquam attendunt ad illa quae homo corpore facit, sed ad voluntatem ex qua corpus facit: hanc vocant ipsum hominem, et intellectum quantum ille cum voluntate unum agit. ¹

Footnotes:

9282. ‘Et omne quod dixi ad vos custodietis’: quod significet quod praecepta, judicia, et statuta facienda sint, constat ex significatione ‘omne quod Jehovah dixit ad eos’ quod sint omnia quae vitae, quae cultus, et quae status civilis ¹ ; quae vitae vocabantur praecepta, quae cultus statuta, et quae status civilis judicia ² , n. 8972; et ex significatione ‘custodire’ seu ³ observare, quod sit facere, nam per facere observantur. Quia illa quae vitae, quae cultus, et quae status civilis, ⁴ non sunt aliquid apud hominem quamdiu in solo ejus intellectu sunt, sed tunc apud illum sunt quando in voluntate, ideo in Verbo dicitur ubivis quod facienda, nam facere est voluntatis; sed scire, intelligere, agnoscere, et credere sunt intellectus, at ⁵ haec non sunt apud hominem priusquam fiunt voluntatis ⁶ , nec existunt apud illum priusquam fiunt intellectus ex voluntate, nam esse hominis est velle, et existere est inde agnoscere et credere; quae non ita sunt et existunt apud hominem non ei appropriata sunt; stant ⁷ foris nondum in domum recepta; ita nec faciunt aliquid ad vitam aeternam hominis, nam talia si non facta sunt vitae ⁸ , dissipantur in altera vita, remanentibus solum quae cordis sunt, hoc est, quae voluntatis et inde intellectus; quia ita est, in Verbo ubivis dicitur quod praecepta et statuta facienda sint, ut apud Moschen, Judicia Mea facietis, et statuta Mea custodietis ad ⁹ eundum in illis; quare costodietis statuta Mea et judicia Mea, quae si fecerit homo, vivet per ea, Lev. 18:4, 5 ¹⁰ ;

tum Matth. v ¹¹ 19, 7:24-27, 16:27; Joh. 3:21;

et perpluries ¹² alibi.

Footnotes:

5002. ‘Ad esse cum illa’: quod significet ne sic adunaretur, constat ex significatione ‘esse cum aliqua’ quod sit arctius conjungi seu uniri; quod ‘esse’ sit uniri, est quia ipsum esse rei est bonum, et omne bonum est amoris, qui est conjunctio spiritualis seu unitio; inde in supremo sensu vocatur Dominus ‘Esse’ seu Jehovah, qui ab Ipso omne bonum quod est amoris seu conjunctionis spiritualis. Caelum quia unum facit per amorem ab Ipso, et reciprocum in Ipsum per receptionem, et per amorem mutuum, ideo vocatur conjugium, per quod ‘est’; similiter foret cum Ecclesia si apud illam amor et charitas foret ejus ‘esse’; ubi itaque non est conjunctio seu unio, ibi non est ‘esse’, nam nisi aliquid foret quod redigeret ad unum seu uniret, dissolveretur et exstingueretur:

[2] ita ¹ in societate civili ubi unusquisque pro se est et nullus pro alio nisi propter se, nisi essent leges quae unirent, et essent timores jacturae lucri, honoris, famae, vitae, societas prorsus dissiparetur; quapropter ‘esse’ talis societatis conjunctio seu adunatio, sed solum in externis, at respective ad interna apud illam non est ‘esse’; quapropter etiam tales in altera vita in inferno tenentur, et similiter ibi per externa continentur vincti, temporis per timores, verum ² quoties relaxantur illa vincula, ruit unus in alterius perniciem, et nihil potius cupit quam alterum prorsus exstinguere; aliter in caelo ubi conjunctio interna est per amorem in Dominum et inde amorem mutuum; cum ibi relaxantur vincula externa, arctius mutuo conjunguntur; et quia sic propius ad Esse Divinum quod a Domino, rediguntur, interius in affectione sunt et inde in libero, consequenter in beato, felici et gaudio.

Footnotes: