5830. ‘Et sumitis etiam hunc a cum faciebus meis’: quod significet si etiam verum novum discedat, constat ex repraesentatione ‘Benjaminis’ qui est de quo hoc dicitur, quod sit verum novum, de qua n. 5804, 5806, 5809, 5822; et ex significatione 'sumere illum a cum faciebus meis' quod sit abalienare a bono spirituali, ita discedere; verum illud, quia ex bono spirituali quod ‘Israel’, si discederet, actum foret de ipso bono; nam bonum quale suum accipit a veris, et vera esse suum accipiunt a bono, inde illis vita simul.

5809. ‘Descendere facite illum ad me’: quod significet quod verum illud quod novum, subjicietur bono interno, constat a significatione ‘descendere facere’ quod sit subjici; nam ¹ venire ad internum ² ut conjungatur, est ei ³ subjici, omne enim quod inferius est seu exterius, prorsus subordinabitur et subjicietur superiori seu interiori, ⁴ ut conjunctio ⁵ existat; et a repraesentatione ‘Benjaminis’ qui hic est ‘ille quem descendere facerent’, quod sit verum novum, de qua supra n. 5804, 5806; et ex repraesentatione ‘Josephi’ qui est ‘ille ad quem descenderet’, quod sit bonum internum, de qua prius.

Poznámky pod čarou: