Arcana Coelestia # 5830
5830. ‘Et sumitis etiam hunc a cum faciebus meis’: quod significet si etiam verum novum discedat, constat ex repraesentatione ‘Benjaminis’ qui est de quo hoc dicitur, quod sit verum novum, de qua n. 5804, 5806, 5809, 5822; et ex significatione 'sumere illum a cum faciebus meis' quod sit abalienare a bono spirituali, ita discedere; verum illud, quia ex bono spirituali quod ‘Israel’, si discederet, actum foret de ipso bono; nam bonum quale suum accipit a veris, et vera esse suum accipiunt a bono, inde illis vita simul.
Arcana Coelestia # 5806
5806. ‘Et relictus ille solus matri suae’: quod significet quod id verum solum Ecclesiae, constat ex repraesentatione ‘Benjaminis’ qui hic est ‘qui solus relictus’, quod sit verum novum, de qua mox supra n. 1 5804; et a significatione ‘matris’ quod sit Ecclesia, de qua n. 289, 2691, 2717, 2 5581. Cum hoc quod id verum quod hic ‘Benjamin’ repraesentat, et describitur 3 supra n. 5804, sit solum verum Ecclesiae, ita se habet: hoc verum est id verum quod ex bono spirituali quod ‘Israel’, et quod repraesentat ‘Benjamin cum apud patrem’, at adhuc interius verum cum apud Josephum; illud verum quod Benjamin apud patrem suum repraesentat et vocatur verum novum, 4 est quod solum facit hominem ut sit Ecclesia, nam in hoc vero seu in illis veris est vita a bono, hoc est, homo qui in veris fidei est ex bono, is est Ecclesia, non autem homo qui in veris fidei est et non in bono charitatis, vera enim apud hunc mortua sunt, tametsi 5 fuissent eadem vera; inde constare potest quomodo se habet cum hoc quod id verum solum Ecclesiae sit.
Poznámky pod čarou:
1. The editors of the third Latin edition made a minor correction here. For details, see the end of the appropriate volume of that edition.
2. The editors of the third Latin edition made a minor correction here. For details, see the end of the appropriate volume of that edition.
3. The Manuscript inserts mox.
4. The Manuscript inserts hoc verum.
5. The Manuscript deletes forent, and inserts sunt.
