Doctrina Novae Hierosolymae de Domino #49
49. (iii.) Quod per "spiritum" intelligitur vita regenerati, quae vocatur vita spiritualis:-
Jesus dixit, "Nisi quis generatus fuerit ex aqua et spiritu, non potest ingredi in regnum Dei" (Johannem 3:5).
"Dabo vobis cor novum, et spiritum novum... Spiritum meum dabo in medio vestri, et faciam ut in statutis meis ambuletis" (Ezechielem 36:26-27).
"Dare novum cor et novum spiritum" (Ezechielem 11:19).
"Cor mundum crea in me, Deus, et spiritum firmum innova in medio mei... Reduc mihi gaudium salutis tuae; et spiritus spontaneus sustentet me" (Psalmus 51:12-14) (B.A. 10-12).
"Facite vobis cor novum, et spiritum novum; quare moriemini, domus Israelis?" (Ezechielem 18:31).
"Emittis spiritum tuum. creantur; et renovas facies terrae" (Psalmus 104:30).
"Venit hora, et nunc est, quando veri adoratores adorabunt Patrem in spiritu et veritate" (Johannem 4:23).
"Jehovah Deus... dat animam populo..., et spiritum ambulantibus in ea (Esaiam 42:5).
Jehovah "format spiritum hominis in medio ejus" (Sachariam 12:1).
"Anima mea exspectavi Te nocte,... spiritu meo in medio mei exspectavi Te mane" (Esaiam 26:9 1 ).
"In die illo erit Jehovah... in spiritum judicii sedenti in judicio" (Esaiam 28:(5,) 6).
"Exultavit spiritus meus super Deo Salvatore meo" (Lucam 1:47 2 ).
"Quiescere fecerunt spiritum meum in terra septentrionis" (Sachariam 6:8).
"In manum tuam commendo spiritum meum, redemeras me" (Psalmus 31:6) (B.A. 5).
"Non fuit 3 unus, et reliqui quibus spiritus" (Malachiam 2:15).
"Post tres dies et dimidium spiritus vitae a Deo intravit in" binos testes occisos a bestia (Apocalypsis 11:11).
Ego Jehovah "formator montium, et creator spiritus" (Amos 4(:13)).
"Deus, Deus spirituum quoad omnem carnem (Numeri 16:22; 27:18).
"Effundam super domum Davidis, et super habitatorem Hierosolymae, spiritum" ex alto 4 (Sachariam 12:10).
"Usque dum effuderit super nos spiritum ex alto" (Esaiam 32:15 5 ).
"Effundam aquas super sitientem, et rivulos super aridam, effundam spiritum meum super semen tuum" (Esaiam 44:3).
"Effundam spiritum meum super omnem carnem,... etiam super servos et ancillas, in diebus illis effundam spiritum" (Joel 3:1-2 (B.A. 2:28-29)).
Per "effundere spiritum" intelligitur regenerare; similiter per "dare cor novum et spiritum novum."
[2] Quod per "spiritum" intelligatur vita spiritualis illis qui in humiliatione sunt:
"Habito in contrito et humili spiritu, et ad vivificandum spiritum humilium, et ad vivificandum cor contritorum" (Esaiam 57:15).
"Sacrificia Dei spiritus infractus, cor infractum et contritum Deus non spernit" (Psalmus 51:19 (B.A. 17)).
Dabit "oleum gaudii loco luctus, et pallium laudis loco spiritus contracti" (Esaiam 61:3).
"Mulier deserta et afflicta spiritu" (Esaiam 54:6).
"Beati pauperes spiritu, quia illorum est regnum caelorum" (Matthaeum 5:3).
Fusnotat:
1. xxvi. pro "xxxvi."
2. 47 pro "17"
3. "fuit:"--sic editio princeps. vide autem Arcana Coelestia 255, 9818, ubi legitur "fecit," quod textum Hebraicum rectius interpretatur.
4. "ex alto:" sic editio princeps. vide Apocalypsis Explicata 255, ubi legitur "spiritum gratiae," quod est praeferendum.
5. 15 pro "16"