IZIMFIHLO ZASEZULWINI EZIQUKETHWE EZIBHALWENI EZINGCWELE NOMA EZWINI LENKOSI ZISONJULULIWE KUQALWA ENCWADINI KAGENESIS KANYE NEZINTO EZIMANGALISAYO EZIBONWE EMHLABENI WEMIMOYA NASEZULWINI LEZINGELOSI

KULOTSHWE WU EMANUEL SWEDENBORG

KWAHUNYUSHWA KUSUSWA ESINGISINI KUYISWA ESIZULWINI UMQINGO WOKUQALA

IHUNYUSHWE NGU wuZAMOKUHLE T. ZUNGU

---

Arcana Coelestia: The Heavenly Arcana contained in the Holy Scripture or Word of the Lord unfolded in the Book of Genesis together with wonderful things seen in the World of Spirits and in the Heaven of Angels

By Emanuel Swedenborg

Translated into Zulu by Zamokuhle T. Zungu

---

UHLU LOMLOBI LWEZIHLOKO EZIQUKETHWE EMQINGWENI WOKUQALA.

IziMfihlo zeZulu ezisonjululwe eziBhalweni eziNgcwele noma eZwini leNkosi zikwiNcazelo, eyiNgqondo engaPhakathi yeZwi. Ukuthi lengqondo inhloboni kungabonwa kulezozinto ezikhonjiswe malungana nayo ngokusukela eLwazini lokuzazela mathupha ezinombolweni 1767-1777, 1869-1879; nasemongweni noma engqikithini yenkulumo (ezinombolweni 1-5, 64-66, 167, 605, 920, 937, 1143, 1224, 1404, 1405, 1408, 1409, 1502 ekugcineni, 1540, 1659, 1756, 1783, 1807).

IZinto eziMangalisayo ezibonwe eMhlabeni weMimoya naseZulwini leziNgelosi, kuqalwe ngazo futhi zajotshelelwa ezahlukweni ezimbalwa. Kulomqingo kukhona lezizihloko ezilandelayo:

Mayelana nokuVuswa komuntu kwabafileyo, nokungena kwakhe ekuphileni okuphakade (n. 168-181).

Isiqhubezo mayelana nokungena komuntu ekuphileni okuphakade (n. 182-189; naku 314-319).

Ukuthi ngaleyonkathi impilo yoMphefumulo noma yoMumoya injani (320-323).

Ezinye izibonelo zemicabanga yeMimoya yokuthi yayicabangani ngoMphefumulo noma ngoMumoya ngenkathi isesemzimbeni wemvelo (n. 443-448).

Mayelana neZulu kanye neNjabulo yaseZulwini (n. 449-459; 537-546; 547-553).

Mayelana namaBandla abumba noma enza iZulu (n. 684-691).

Mayelana nesiHogo (n. 692-700).

Mayelana neziHogo zalabo abebebuswa yiNzondo, ukuPhindisa, noluNyae ezimpilweni zabo zemvelo (n. 814-823).

Mayelana neziHogo zalabo abebebuswa wukuPhinga neSigweba; mayelana futhi neziHogo zabaKhohlisi nezabaThakathikazi (n. 824-831).

Mayelana neziHogo zabaHahayo; namayelana neJerusalema eliNgcolile, nabaPhangi eHlane; namayelana nothuvi obugcwele eziHogweni zalabo abebecwile ezinjabulweni zomzimba noma zezinzwa besaphila emhlabeni wemvelo (n. 938-946).

Mayelana nezinye iziHogo ezehlukile kulezi esezibalwe ngenhla (n. 947-970).

Mayelana neziNcithakalo (n. 1106-1113).

UHlu lomlobi lwezihloko eziqukethwe emqingweni wesikhombisa.

IziMfihlakalo zezulu ezisonjululwe ezibhalweni eziNgcwele noma ezwini leNkosi ziqukethwe ezincazelweni, eyingqondo engaphakathi yezwi. Izanduleliso ezendulela izahluko ezimbalwa ziyincazelo yalokhu okulandelayo: Ziyincazelo eyingqondo engaphakathi yamazwi eNkosi akuMathewu 25:34-36 (ezinombolweni 4954-4959).

Ziyisiqhubezo mayelana nokuqhamisana komuntu noMuntu oMkhulu: ukuqhamisana kwamanyonga nezitho ezixhumene nawo (ezinombolweni 5050-5062).

Ziyincazelo eyingqondo engaphakathi yamazwi eNkosi akuMathewu 25:37-46 (ezinombolweni 5063-5071).

Ziyisiqhubezo mayelana nokuqhamisana komuntu nomuntu omkhulu: ukuqhamisana kwezitho zomuntu zangaphakathi nezitho zomuntu omkhulu zangaphakathi (ezinombolweni 5171-5190).

Ziyisiqhubezo mayelana nokuqhamisana komuntu nomuntu omkhulu (ezinombolweni 5377-5396).

Ziyisiqhubezo mayelana nokuqhamisana komuntu nomuntu omkhulu: ukuqhamisana kwesikhumba, izinwele, namathambo (ezinombolweni 5552-5573).

Ziyisiqhubezo mayelana nokuqhamisana: ukuqhamisana kwezifo nomhlaba kamoya (ezinombolweni 5711-5727).

UHLU LOMLOBI LWEZIHLOKO EZIQUKETHWE KULOMQINGO.

Kuqukethwe izimfihlakalo zezulu ezethulwe ngencazelo yengqondo enga pha-kathi yeZibhalo ezingcwele noma yeZwi.

Okujotshelelwe ekugcineni kwezinye iZahluko kumayelana nezingelosi ka nye nemimoya okuhanqa umuntu (bheka izinombolo 5846-5866).

Isiqhubezo mayelana nezingelosi kanye nemimoya okuhanqe umuntu (bheka izinombolo 5976-5993).

Kujotshelelwe okumayelana nomngenela nobudlelwane bomphefumulo emzimbeni wemvelo (bheka izinombolo 6053-6058).

Isiqhubezo mayelana nomngenela nobudlelwane bomphefumulo emzimbeni wemvelo (6189-6215).

Isiqhubezo mayelana nomngenela nobudlelwane bomphefumulo emzimbeni wemvelo (6307-6327).

Isiqhubezo mayelana nomngenela nobudlelwane bomphefumulo emzimbeni wemvelo (bheka izinombolo 6466-6496).

Isiqhubezo mayelana nomngenela nobudlelwane bomphefumulo emzimbeni wemvelo (bheka izinombolo 6598-6626).

Okunye okulotshiwe (bheka amakhasi 503, 504).

1106. Kukhona abantu okwathi lapho besaphila emhlabeni bamunca amanga enkolo yokholo lwabo ngen-xa yobunguphane nokungazi kwabo, kodwa nokho benonembeza othile ohambisana nemigomonqangi yokholo lwabo. Loluhlobo lwabantu kaluphilanga njengabanye abantu—kaluphilanga ngenzondo, ngokuphindisa, nangokuphinga. Lolohlobo lwabantu kaluvunyelwa ukungena emiphakathini yasezulwini umanje isaqhutshwa ngamanga, ngokuba lapho lababantu bekulesosimo bangadunga leyomiphakathi. Ngakhoke balindiswa emhlabeni ongezansana kancane isikhathi esithile ukuze kukhishwe imigomo engamanga kubo. Isikhathi abasihlala kulowomhlaba, eside noma esifishane, sikhanyelelwa wuhlobo lwamanga, impilo ephuma kuwona, nezinga lokugxila kwaleyomigomo engamanga. Abanye babo bezwa ubuhlungu obukhulu, kanti abanye bezwa ubuhlungu obun-cane ngenkathi belapho. Ubuhlungu ababuzwayo yibona obubizwa nge “zincithakalo”, eziphathwa kakhulu eZwini. Lapho sesiphelile isikhathi sabo sencithakalo benyuselwa ezulwini, nanjengabantu abayizifiki bamukela imfundiso yamaqiniso enkolo, efundiswa yizingelosi ezibamukelayo noma abafikela kuzo.

813. Ukuthi ngalamazwi kuphawulwa isikhathi sokuphela kweSonto laseMandulondulo, nokuthi nge “khulu leminyaka neminyaka engamashumi ayisihlanu” kufanekiswa kokubili ukuphela nokuqala kakunakufakazelwa kalula ngeZwi njengokufakazelwa yizinombolo ezilula ezivame ukusetshenziswa eZwini. Nokho incazelo yalamazwi iyachacha ngenxa yokusetshenziswa kwenombolo “ishumi nesihlanu” okukhulunywe ngayo kwisahlukwana 20 ngenhla. “Ishumi nesihlanu” lifanekisa okuyingcosane noma okuncane kangangoba kungathathwa njengento engekho. Lobubungcosane bufanekiswa kakhulu yinombolo “ikhulu namashumi ayisihlanu”, ewumphumela we “shumi nesihlanu liphindwe kashumi”, okuyinombolo efanekisa insali. Ukuphindwaphindwa kwezingxenye zezinombolo, njengengxenye yesibili, ingxenye yesine, noma ingxenye yeshumi, kukhiqiza izingxenye ezincane, ziye ngokuya zibencane kakhulu, ekugcineni zibencane kangangoba zicishe zibe yize, laphoke kusuke sekufinyelelwe ekupheleni noma esikhathini sokuphela kwenombolo. Lenombolo iyavela futhi naseSahlukweni 8:3 ngezansi lapho kuthiwa khona:

Amanzi ancipha ngemuva kwezinsuku eziyikhulu namashumi ayisihlanu (Genesise 8:3).

Nalapha kufanekiswa okufanayo, okuyisiphelo nesiqalo kanyekanye. Izinombolo zeZwi kumele ziqondwe ngengqondo eyahlukile engqondweni yemvelo yeZwi, ngokuba, njengoba sekuke kwaphawulwa futhi kwakhon-jiswa, zisetshenziselwa ukuxhumanisa izenzeko zomlando nokwakha ukulandelana kwazo okuyinto engena ngaphansi kwengqondo yemvelo. Ngokwesibonelo, uma kusetshenziswa “isikhombisa”, kukhonjwa okungcwele—okuyingqondo eyahlukile engqondweni yemvelo yesikhombisa ekhomba izikhawu zesikhathi noma izilinganiso. Imbala, izingelosi, okuyizona eziqonda iZwi ngengqondo yalo engaphakathi, kazazi lutho ngezikhawu zesikhathi noma ngezilinganiso, kungasaphathwa ukuthi inombolo ethile ikhombani. Nokho izingelosi ziliqonda ngokugcwele iZwi lapho umuntu efunda kulo. Ngakhoke lapho izingelosi zifunda inombolo eZwini kaziliqondi nakancane inani laleyonombolo kepha ziqonda kuphela uqobo lwento efanekiswa yileyonombolo. Kanjalo ngenombolo ekulesisahlukwana esiphezu kwaso, ziqonda isikhathi okwephela ngaso iSonto laseMandulondulo, nangesahlukwana 3 seSahluko 8 esilandelayo, ziqonda isikhathi okwaqala ngaso iSonto laseMandulo noma iSonto elisha.

ISIQHUBEZO MALUNGANA NEZIHOGO.

LAPHA KUKHULUNYWA NGEZIHOGO ZABANTU ABEBEPHILA IMPILO YENZONDO, YEMPINDISO, NOLUNYA BESAPHILA EMHLABENI WEMVELO.