281. De innocentia multum locutus sum cum angelis, et informatus quod innocentia sit Esse omnis boni, et inde quod bonum tantum sit bonum quantum in illo est innocentia consequenter quod sapientia tantum sit sapientia quantum ducit ab innocentia similiter amor, charitas, et fides; ¹ et quod inde sit, quod nemo intrare possit caelum nisi ei innocentia sit et quod id sit, quod intelligitur a Domino,

"Sinite infantes venire ad Me, ne prohibete eos, talium enim est regnum" caelorum. "Amen dico vobis, quicunque non receperit regnum" caelorum "ut infans, non ingredietur in illud" ([Matthaeus 19:14; 18:3;] Marcus 10:14-15; Luca 18:16-17):

per "infantes" ibi, ut quoque alibi in Verbo, intelliguntur innocentes: ² innocentiae status etiam describitur a Domino (Matthaeus 6:24-25), ³ sed per meras correspondentias: causa quod bonum sit bonum quantum in eo est innocentia, est quia omne bonum est a Domino, et innocentia est velle duci a Domino. Informatus etiam sum, quod verum non conjungi possit bono ac bonum vero, nisi media innocentia inde quoque est, quod angelus non sit angelus caeli, nisi in illo innocentia sit; nam caelum non est in aliquo priusquam in illo conjunctum est verum bono: inde conjunctio veri et boni vocatur conjugium caeleste, et conjugium caeleste est caelum. Informatus etiam sum, quod amor vere conjugialis ducat suam existentiam ex innocentia, quia ex conjunctione boni et veri, in qua sunt binae mentes, nempe mariti et uxoris quae conjunctio cum descendit, sistitur sub specie amoris conjugialis: nam conjuges, sicut mentes eorum, se mutuo amant. Inde est lusus sicut infantiae et sicut innocentiae in amore conjugiali. ⁴

Footnotes:

9207. ‘Et filii vestri orphani’: quod significet quod simul tunc vera, nempe peribunt, constat ex significatione ‘orphanorum’ quod sint qui in vero ¹ et nondum in bono, et usque desiderant bonum, de qua ² n. 9198, hic qui in vero ³ sed non desiderant bonum, ita apud quos vera pereunt, nam dicitur de malis quorum filii fient orphani. Quod vera pereant apud illos qui non desiderant bonum, patet ab illis quae mox supra n. ⁴ 9206 de conjunctione boni et veri dicta sunt. Quomodo cum illa conjunctione se habet, porro dicendum est: vera quae conjuncta bono sunt, in se semper desiderium faciendi bonum habent, et simul per id se artius conjungendi cum bono; seu quod idem, illi qui in veris sunt semper desiderant facere bonum, et sic conjungere id suis veris; quapropter qui credunt se in veris esse et non desiderant facere bonum, illi non in veris sunt, hoc est, in fide illorum, utcumque putant quod sint;

[2] hoc describitur a Domino per ‘salem’ apud Matthaeum, Vos estis sal terrae; quod si sal infatuetur, per quid salietur? ad nihil conducet amplius, nisi ut projiciatur foras et conculcetur ab hominibus, 5:13, 14;

haec dicit Dominus ad discipulos et ad populum; per ‘salem terrae’ intelligitur verum Ecclesiae quod desiderat bonum, per ‘salem infatuatum’ intelligitur verum absque desiderio ad bonum ⁵ ; quod tale verum ad nihil prosit, describitur per quod sal infatuatum ⁶ ad nihil conducat amplius, nisi ut projiciatur foras et conculcetur ⁷ ; desiderare bonum est desiderare facere bonum, et sic conjungi bono:

[3] apud Marcum, Omnis igne salietur, et omne sacrificium sale salietur; bonum est sal, si autem sal ⁸ insulsum fit, quonam id condietis? habete in vobis salem, et pacem colite inter vos invicem, 9:49, 50;

‘igne saliri’ est desiderium boni ad verum, et ‘sale saliri’ est desiderium veri ad bonum, ‘sal insulsum’ est verum absque desiderio ad bonum, ‘habere in se salem’ est id desiderium:

[4] apud Lucam, Omnis ex vobis qui non abnegat omnes suas facultates non potest Meus esse discipulus; bonum ⁹ sal est, si vero sal infatuatum fuerit, per quid condietur? neque in terram neque in ¹⁰ sterquilinium commodum est; foras projiciunt id, 14 [33, ] 34, 35; hic similiter ‘sal’ pro vero desiderante bonum, et ‘sal infatuatum’ pro vero quod est absque desiderio ad bonum; ‘non commodum in terram nec in ¹¹ sterquilinium’ pro quod prorsus non conducat ad aliquem usum, neque bonum neque malum; qui sunt ¹² in tali vero sunt ¹³ qui vocantur tepidi, quod patet ab illis quae praecedunt ‘quod non discipulus Domini esse possit qui non abnegat omnes suas facultates’, hoc est, qui non amat Dominum supra omnia; qui enim amant ¹⁴ Dominum, et quoque semet pari gradu, illi sunt qui vocantur tepidi, et qui non commodi sunt ad usum bonum nec ad usum malum ¹⁵ :

[5] apud Moschen, Omne munus minhae tuae sale salietur; nec cessare facies sal foederis Dei tui super minha ¹⁶ tua; super omni munere tuo offeres sal ¹⁷ , Lev. 2:13;

quod ‘in omni munere esset sal’ significabat quod desiderium veri ad bonum ac boni ad verum esset in omni cultu; inde quoque sal illud vocatur ‘sal foederis Dei’, foedus enim est conjunctio, n. 665, 666, 1023, 1038, 1864, 1996, 2003, 2021, 2037, 6804, 8767, 8778, et ‘sal’ est desiderium conjunctionis.

[6] Cum desiderat unum conjungi alteri reciproce, hoc est, bonum vero et verum bono, tunc se mutuo spectant; cum autem se divellit verum a bono, tunc se avertunt a se mutuo, et spectant retro aut ¹⁸ post se; hoc significatur per uxorem Lothi factam statuam salis, apud Lucam, Quicumque erit super domo et vasa illius in domo; ne descendito ad tollendum ea, et quicumque in agro similiter, ne revertatur in quae post illum; mementote uxoris Lothi, 17:31, 32;

quod id sit spectare post se seu retro, videatur n. 3652, 5895 fin. , 5897, 7857, 7923, 8505, 8506, 8510, 8516;

[7] quod ‘sal’ significet desiderium veri, est quia sal fertilem reddit ¹⁹ terram, et sapidum facit cibum, et quia ²⁰ sali igneum et simul conjunctivum inest, sicut inest vero ardens desiderium ad bonum, et simul conjunctivum; statua salis ²¹ est disjunctio a vero ²² , nam ²³ sal in opposito sensu significat destructionem et vastationem ²⁴ veri, ut apud Zephaniam 2:9;

apud Ezech. 47:11; ²⁵ apud Jeremiam 17:6;

apud Davidem Ps. 107:33, 34;

in Deut. 29:22 [KJV Deut. 29:23]; in libro Judicum 9:45;

et in libro 2 Regum 2:19-22. Haec allata sunt ut sciatur quid intelligitur per desiderium veri ²⁶ ad bonum, et per desiderium boni ad verum ²⁷ , quae per ‘orphanum’ et per ‘viduam’ significantur.

Footnotes: