216. Quoniam regimen ex bono, quale est in regno caelesti Domini, vocatur Justitia, et regimen ex vero, quale est in regno spirituali Domini, vocatur Judicium, ideo in Verbo dicitur "justitia et judicium," ubi agitur de caelo et de ecclesia, et per "justitiam significatur bonum caeleste, et per "judicium" bonum spirituale, quod bonum, ut supra dictum est, in sua essentia est verum. Ut in sequentibus his locis:-

"Paci non erit finis super throno Davidis, et super regno Ipsius, ad stabiliendum illud, et ad fulciendum illud in judicio et [in] justitia, a nunc et usque in aeternum," (Esaias 9:6 [B.A. 7]):

per "Davidem" ibi intelligitur Dominus, ¹ et per "regnum Ipsius" caelum, ut patet ex nunc sequenti loco:

"Suscitabo Davidi Germen justum, et regnabit Rex, et intelligenter aget, et faciet judicium et justitiam in terra," (Jeremias 23:5).

"Exaltetur Jehovah, quia inhabitat altum; implevit Zionem judicio et justitia," (Esaias 33:5)

per "Zionem" etiam intelligitur caelum et ecclesia. ²

"Ego Jehovah faciens... judicium et justitiam in terra, quia in illis beneplacet Mihi," (Jeremias 9:23 [B.A. 24]).

"Desponsabo te Mihi in aeternum, et desponsabo te Mihi in justitia et judicio," (Hoschea 2:19)

"Jehovah in caelis est... justitia tua sicut montes Dei, et judicia tua sicut abyssus magna," (Psalmus 36:6, 7 [B.A. 5-6]);

"Interrogant ³ Me Judicia Justitiae, appropinquationem Dei desiderent," (Esaias 58:2);

et alibi.

Footnotes:

9055. ‘Ustionem pro ustione’: quod significet si aliquid affectionis quae amoris interius in voluntario, constat ex significatione ‘ustionis’ quod sit laesio seu exstinctio boni amoris; quod dicatur in voluntario, est quia bonum quod amoris est voluntatis, ¹ et verum quod fidei est intellectus n. 9050 9051; quod sit interius in voluntario, est ² quia ‘vulnus’, de quo sequitur, significat laesionem seu exstinctionem quae amoris exterius in voluntario; agitur enim hic, ut in praecedentibus, de laesionibus quae fiunt ^{3 4} tam in interno homine ⁴ quam in externo, nam laesio intellectus interioris significatur per ‘oculum’ et exterioris per ‘dentem’, et laesio potentiae veri interni hominis per manum' ac potentiae externi per ‘pedem’, ut ostensum est; ita hic laesio voluntarii interni hominis per ‘ustionem’ et externi per 'vulnus';

[2] est ⁵ homini voluntarium internum et externum, sicut est ei intellectuale internum et externum, de quo n. 9050 9051; voluntarium internum est ubi intellectuale internum, et voluntarium externum est ubi intellectuale externum, nam conjuncta ⁶ erunt; ubi enim verum ibi est bonum, et ubi bonum ibi verum, nam ⁷ verum absque bono non est verum, et ⁸ bonum absque vero non est bonum; bonum enim est esse veri, ⁴ at verum est existere boni; cum intellectu et cum voluntate hominis similiter se habet, intellectus ⁹ enim dicatus est ¹⁰ receptioni veri, et voluntas ¹¹ dicata est receptioni boni; inde patet quod, cum ¹² regeneratur homo, detur ei a Domino novus intellectus per ¹³ vera fidei, et nova voluntas per ¹⁴ bonum charitatis, et quod ¹⁵ ambo erant, et quoque conjuncta, ut homo regeneratus sit.

[3] Quod ‘ustio’ significet laesionem boni amoris, est quia per ‘ignem’ significatur amor, n. 934, 2446, 4906, 5071, 5215, 6314, 6832, 6834, 6849, 7324 fin. , 7575, 7852, et laesio boni amoris est concupiscentia ex amore sui; quod haec dicatur ¹⁶ ustio, videatur n. 1297, 5215; ¹⁷ concupiscentia quoque significatur per ‘adustionem’ apud Esaiam,

Loco aromatis tabes erit, et loco cinguli discissio, et loco operis implexi calvities, et loco togae cinctura sacci, adustio loco pulchritudinis, 3:24;

ibi de filia Zionis, per quam significatur Ecclesia caelestis, hoc est, Ecclesia quae in amore in Dominum est, n. 2362, 6729; ‘adustio’ ibi est malum concupiscentiae ¹⁸ ex amore sui.

[4] Qui non scit quod sensus internus in Verbo sit, credit quod superbi ornatus filiarum Zionis ¹⁹ in illo capite vers. 16-24 ²⁰ memorati significent ²¹ tales, et quod propter ²¹ tales apud filias ²² Zionis populus ²³ Judaicus et Israeliticus puniretur et caderet gladio, ut dicitur ibi vers. 25, 26, 26;

sed res prorsus aliter se habet; spiritualia et caelestia illius Ecclesiae sunt quae per ornatus illos significantur; quod non filia Zionis per ‘filiam Zionis’ in Verbo intelligatur, cuivis qui legit Verbum, constare potest, modo consulat ²⁴ et expendat loca apud prophetas ubi ²⁵ Zion et filia Zionis nominantur, ex quibus visurus est quod filia Zionis sit Ecclesia.

Footnotes: