Apocalypsis Revelata #591
591. (Vers. 10.) "Si quis captivitatem duxerit in captivitatem abibit," significat quod qui per haereticum illud alios a bene credendo et a bene vivendo abducit, a suismet falsis et malis in Infernum abducatur. - Per "captivitatem ducere" significatur persuadere et in partes suas trahere, ut haeresi isti, quae per "Draconem" et "Bestiam" intelligitur, consentiant et adhaereant, et sic abducere a bene credendo et a bene vivendo; per "in captivitatem abire" significatur a suismet falsis et malis abduci in Infernum: per "captivitatem" hic intelligitur captivitas spiritualis, quae est seduci, et sic abduci a veris et bonis, ac induci in falsa et mala. Quod per "captivitatem" in Verbo intelligatur captivitas illa spiritualis, constare potest a sequentibus locis:
"Audite omnes populi, et videte dolorem meum, virgines meae et juvenes mei iverunt in Captivitatem," (Threni 1:18);
"Deus deseruit Habitaculum et Tentorium Suum, ubi habitavit inter homines, et dedit in captivitatem robur ejus," (Psalm. 78:60-61);
"Omnes Pastores tuos pascet ventus, et amasii tui in Captivitatem abibunt; tunc pudefies ob omnem malitiam tuam," (Jeremias 22:22); 1
"Ebria faciam tela Mea, a sanguine confossi et Captivitatis," (Deuteronomius 32:42);
"Inflexi sunt et incurvati, et anima eorum in Captivitatem abibit," (Esaias 46:1-2);
"Jehovah misit Me ad obligandum fractos corde, ad praedicandum Captivis libertatem, et Vinctis, oculis capto," (Esajas 61:(1); Luca 4:18-19);
"Ego excitabo Illum in justitia; Ille Captivitatem Meam dimittet, non pretio neque munere," (Esaias 45:13);
"Ascendisti in altum, Captivam duxisti Captivitatem," (Psalm. 68:19 (B.A. 18));
"Num Captivitas justi eripietur, etiam Captivitas fortis sumetur, e Captura violenti eripietur," (Esaias 49:24-25);
"Excute te e pulvere, sede Hierosolyma, aperire vinculis colli tui Captiva filia Sionis," (Esaias 52:2). 2
(Praeter alibi, ut Jeremias 48:46-47; 50:33-34; 3 Ezechiel 6:1-10; 12:1-12; Obadias 1:11; Psalm. 14:7; Psalm. 53:7 (B.A. 6).)
Per captivitates filiorum Israelis ab hostibus suis, de quibus in libro Judicum, et 2 Regnum 25 4 et apud prophetas, repraesentatae sunt et inde significatae captivitates spirituales, de quibus alibi. Simile quod per "captivos" etiam significatur per "vinctos" in sequentibus locis:
"Per sanguinem foederis tui emittam Vinctos e fovea," (Sacharias 9:11);
"Veniet ad te gemitus Vincti," (Psalm. 79:11);
"Colligetur Vinctus in fovea, et claudentur in claustro," (Esaias 24:22);
"Posuit Orbem in desertum, Vinctis suis non aperuit domum," (Esaias 14:17); 5
"Rex dixit, "In carcere fui, et non venistis ad me," (Matthaeus 25:36, 43); 6
Jesus dixit, "Hanc filiam Abrahami, quam Vinxit Satanas, nonne oportet solvi e vinculo hoc die Sabbathi," (Luca 13:16).
Footnotes:
1. 22 pro "12"
2. 2 pro "1, 2"
3. Jerem. pro "Psalmus." (Hic est iteratio; vide mox supra.)"
4. xxv. pro "xxx."
5. 17 pro "7"
6. 43 pro "36"
Psalms 79
1
O God, the heathen are come into thine inheritance; thy holy temple have they defiled; they have laid Jerusalem on heaps.
2
The dead bodies of thy servants have they given to be meat unto the fowls of the heaven, the flesh of thy saints unto the beasts of the earth.
3
Their blood have they shed like water round about Jerusalem; and there was none to bury them.
4
We are become a reproach to our neighbours, a scorn and derision to them that are round about us.
5
How long, LORD? wilt thou be angry for ever? shall thy jealousy burn like fire?
6
Pour out thy wrath upon the heathen that have not known thee, and upon the kingdoms that have not called upon thy name.
7
For they have devoured Jacob, and laid waste his dwelling place.
8
O remember not against us former iniquities: let thy tender mercies speedily prevent us: for we are brought very low.
9
Help us, O God of our salvation, for the glory of thy name: and deliver us, and purge away our sins, for thy name's sake.
10
Wherefore should the heathen say, Where is their God? let him be known among the heathen in our sight by the revenging of the blood of thy servants which is shed.
11
Let the sighing of the prisoner come before thee; according to the greatness of thy power preserve thou those that are appointed to die;
12
And render unto our neighbours sevenfold into their bosom their reproach, wherewith they have reproached thee, O Lord.
13
So we thy people and sheep of thy pasture will give thee thanks for ever: we will shew forth thy praise to all generations.
