Arcana Coelestia #9140
9140. ‘Et immiserit jumentum suum’: quod significet si ex parum conscio id faciat, constat ex significatione ‘jumenti’ quod sit voluptas seu appetitus corporis; quod sit parum conscium, est quia homo cum in illis est, parum consulit rationem, et sic parum sibi conscius est; omnes 1 bestiae, cujuscumque generis et speciei sunt, significant affectiones, bestiae mites ac utiles affectiones bonas, et 2 bestiae immites ac inutiles affectiones malas, n. 45, 46, 142, 143, 714-719, 1823, 2180, 2781, 3218, 3519, 5198, 7523, 7872, 9090; 3 cum bestia dicitur ‘jumentum’, significat illa affectiones mere corporeas quae in se parum rationis habent, nam homo quo magis ex corpore agit, eo minus ex ratione agit, corpus enim est 4 in mundo, ita remotum a caelo, ubi genuina ratio est; jumentum 5 etiam in lingua originali dicitur ex bruto et stolido, ita ex parum conscio, ut apud Esai. 19:11;
apud Davidem Ps. 49:11 [KJV Ps. 49:10]; Ps. 73:22;
apud Jeremiam 51:17, et alibi.
Footnotes:
1. The Manuscript inserts enim.
2. at
3. The Manuscript inserts et.
4. The Manuscript places this after mundo.
5. Hebrew [ ] (bir)
