32
Et vada præoccupata sunt, et paludes incensæ sunt igni, et viri bellatores conturbati sunt.
32
Et vada præoccupata sunt, et paludes incensæ sunt igni, et viri bellatores conturbati sunt.
40. (iii., ( Quod Dominus dicatur Sanctus Israelis, patet ab his:-
"Angelus dixit" ad Mariam Sanctum quod nascetur ex te, vocabitur Filius Dei" (Lucam 1:35).
"Videns fui in visionibus; ...ecce Vigil et Sanctus e caelo descendens" (4:10, 20 (B.A. 13, 23)).
"Deus a Themane veniet, et Sanctus a monte Paran" (Habakuk 3:3).
"Ego Jehovah Sanctus (vester), Creator Israelis (Rex vester)" (Esaiam 43:15).
"(Sic dixit Jehovah,) Sanctus Israelis, 1 et Formator ejus" (Esaiam 45:11 2 ).
"Sic dixit Jehovah, Redemptor Israelis, Sanctus Ipsius" (Esaiam 49:7).
"Ego Jehovah Deus tuus, Sanctus Israelis Salvator tuus" (Esaiam 43:1, 3).
"Quod ad Redemptorem nostrum, Jehovah Zebaoth nomen Ipsius, Sanctus Israelis" (Esaiam 47:4).
"Dixit Jehovah Redemptor vester, Sanctus Israelis" (Esaiam 43:14; 48:17).
"Jehovah Zebaoth nomen Ipsius, et Redemptor tuus Sanctus Israelis" (Esaiam 54:5).
"Tentarunt Deum, et Sanctum Israelis" (Psalmus 78:41).
"Dereliquerunt Jehovam, et provocarunt Sanctum Israelis" (Esaiam 1:4).
Dixerunt, "Cessare facite a faciebus nostris Sanctum Israelis: propterea sic dixit Sanctus Israelis" (Esaiam 30:11-12).
"Qui dicunt,... Properet opus Ipsius ut videamus, et appropinquet et veniat consilium Sancti Israelis" (Esaiam 5:19).
"In die illo... innitentur Jehovae, Sancto Israelis, in veritate" (Esaiam 10:20).
"Exclama et jubila, filia Zionis, quia magnus in medio tui Sanctus Israelis" (Esaiam) 12:6).
"Dictum... Dei Israelis, In die illo respiciet homo ad Factorem suum, et oculi ejus ad Sanctum Israelis spectabunt" (Esaiam 17:(6,) 7).
"Addent mansueti in Jehovam 3 gaudium, et egeni hominum in sancto Israelis exsultabunt" (Esaiam 29:19; 41:16). Gentes "ad te current propter Jehovam Deum tuum, et propter Sanctum Israelis" (Esaiam 4:5).
"Mihi insulae confident,... ad adducendum filios tuos e longinquo... nomini Jehovae Zebaoth, 4 et Sancto Israelis" (Esaiam 60:9)
"Terra plena est reatu a Sancto Israelis" (Jeremiam 51:5).
("Contra Jehovam insolenter egit,) contra Sanctum Israelis" (Jeremiam 50:29).
(Et pluries alibi.)
Per "Sanctum Israelis" intelligitur Dominus quoad Divinum Humanum; nam angelus Gabriel ad Mariam dixit,
"Sanctum, quod nascetur ex te, vocabitur Filius Dei" (Lucam 1:35).
Quod Jehovah et Sanctus Israelis unum sint, tametsi distincte nominantur, constare potest a locis etiam hic allatis, in quibus dicitur quod Jehovah sit Ille Sanctus Israelis.
Footnotes:
1. Israelis pro "vester"
2. 45:11 pro "44:11, 15"
3. Jehovam pro "Jehovah"
4. "Zebaoth:"--sic editio princeps: sed pluribus in locis legitur "Dei tui, " quod textum Hebraicum rectius interpretatur."