Arcana Coelestia #9681
9681. Vers. 34-37. Et dabis propitiatorium super arcam testimonii in sancto sanctorum. Et pones mensam ab extra velum, et candelabrum e regione mensae super latere habitaculi versus austrum, et mensam dabis ad latus septentrionis. Et facies tegumentum ostio tentorii hyacinthino et purpura et coccineo dibapho et byssino contexto, opere acupictoris. Et facies tegumento quinque columnas schittim, et obduces illas auro, et unci earum auro, et fundes illis quinque bases aeris. ‘Et dabis propitiatorium super arcam testimonii in sancto sanctorum’ significat auditionem et receptionem omnium quae cultus ex bono amoris in intimo caelo a Domino: ‘et pones mensam ab extra velum’ significat influxum per caelestia quae amoris: ‘et candelabrum e regione mensae super latere habitaculi versus austrum’ significat illuminationem regni spiritualis per Divinum Verum procedens a Divino Humano Domini illis bono: ‘et mensam dabis ad latus septentrionis’ significat bonum in obscuro: ‘et facies tegumentum ostio tentorii’ significat medium uniens caelum secundum seu medium cum primo seu ultimo: ‘hyacinthino et purpura et coccineo dibapho et byssino contexto’ significat ex bono charitatis et fidei: ‘opere acupictoris’ significat quae scientifici: ‘et facies tegumento quinque columnas schittim’ significat sustentationem medii unientis quantum satis per bonum meriti quod Divini Humani Domini: ‘et obduces illas auro’ significat repraesentativum boni: ‘et unci earum auro’ significat conjunctionis modos per bonum: ‘et fundes illis quinque bases aeris’ significat potentiam ex bono externo.
Arcana Coelestia #8762
8762. ‘Ita dices domui Jacobi et nuntiabis filiis Israelis’: quod significet salvationem illorum qui ab Ecclesia spirituali externa et interna, constat ex significatione ‘dicere’ et ‘nuntiare’ quod hic 1 sit salvatio, nam quae nunc dicuntur et nuntiantur a Jehovah 2 per Moschen, salvationem involvunt; ex significatione ‘domus Jacobi’ et ‘filiorum Israelis’ quod sint Ecclesia externa et interna, de qua n. 3305, 4286. Quid Ecclesia externa et Ecclesia interna, prius aliquibus in locis dictum est, quod nempe externum Ecclesiae Antiquae fuerit omne id quod 3 repraesentabat internum, et quod internum Ecclesiae fuerit 4 quod per externa repraesentatum est; sicut pro exemplo: qui cultum Divinum posuerunt in sacrificiis, inque ritibus et statutis, quae repraesentabant spiritualia et caelestia regni Domini, illi in externis erant, at qui cultum Divinum simul posuerunt in caelestibus et spiritualibus quae repraesentata sunt, illi in internis erant; similiter hodie, qui cultum Divinum ponunt in frequentare templa, auscultare praedicationes, obire Sanctam Cenam, 5 et illa cum devotione, nec 6 alterius de illis cogitare quam quod frequentanda sint quia instituta et mandata 7 , illi ab Ecclesia externa sunt; at qui simul credunt quod 8 talia obeunda sint, sed quod usque essentiale cultus 9 sit vita fidei, hoc est, charitas erga proximum et amor in Dominum, illi ab Ecclesia interna sunt; 10 proinde etiam ab Ecclesia externa sunt qui faciunt bonum proximo et colunt Dominum solum ex oboedientia fidei, at ab Ecclesia interna sunt qui faciunt bonum proximo et colunt Dominum ex amore; ita in reliquis.
[2] Ast apud unumquemvis qui ab Ecclesia est, utrumque erit, nempe externum et internum, 11 si non utrumque, non 12 est vita spiritualis apud illum, nam internum 13 est sicut anima, et externum 14 sicut animae corpus; sed qui ab externa Ecclesia sunt, illi sunt clare in externis ejus at obscure in internis, at qui ab Ecclesia interna sunt, illi sunt clare in internis et obscure in externis. At qui in externis sunt et non 15 simul in internis, illi non ab Ecclesia sunt; in 16 ambobus sunt omnes illi qui in bono vitae sunt secundum Ecclesiae suae doctrinalia; at in 17 externis absque 18 internis sunt qui in cultu et non simul in bono vitae secundum doctrinalia Ecclesiae sunt. Pauci sunt qui hoc sciunt; 19 quod pauci id sciant, est quia ponunt omne cultus et inde omne salutis in fide, et nihil in charitate; 20 inde etiam est quod qui cogitant de salute aeterna ponant illam in vita pietatis et nihil in vita charitatis, de quibus videatur n. 8252-8257.
Footnotes:
1. The editors of the third Latin edition made a minor correction here. For details, see the end of the appropriate volume of that edition.
2. per Moschen populo, salvationem ejus continent
3. repraesentaverit
4. The Manuscript inserts id.
5. et alia quae Ecclesiae statuta sunt
6. ulterius, in the First Latin Edition and in the Second Latin Edition
7. The Manuscript inserts sunt.
8. insit coeleste et Divinum, quod sanctum ibi facit, ac
9. The editors of the third Latin edition made a minor correction here. For details, see the end of the appropriate volume of that edition.
10. similiter
11. The Manuscript inserts ut sit homo Ecclesiae, .
12. vivit spiritualiter,
13. The Manuscript inserts enim.
14. The Manuscript inserts est.
15. in interno
16. utroque
17. externo
18. interno
19. The Manuscript inserts et.
20. ac inde illi
