New Christian Bible Study

The Bible

 

Hoschea 3

Study

   

1 Et dixit Dominus ad me : Adhuc vade, et dilige mulierem dilectam amico et adulteram, sicut diligit Dominus filios Israël, et ipsi respiciunt ad deos alienos, et diligunt vinacia uvarum.

2 Et fodi eam mihi quindecim argenteis, et coro hordei, et dimidio coro hordæi.

3 Et dixi ad eam : Dies multos exspectabis me ; non fornicaberis, et non eris viro ; sed et ego exspectabo te.

4 Quia dies multos sedebunt filii Israël sine rege, et sine principe, et sine sacrificio, et sine altari, et sine ephod, et sine theraphim.

5 Et post hæc revertentur filii Israël, et quærent Dominum Deum suum, et David regem suum : et pavebunt ad Dominum, et ad bonum ejus, in novissimo dierum.

   

From Swedenborg's Works

 

Apocalypsis Explicata #1101

Study this Passage

  
/ 1232  
  

1101. VERSUS 3.

"Quia ex vino [irae] scortationis ejus biberunt omnes gentes, et reges terras cum illa scortati sunt, et mercatores terrae ex facultatibus deliciarum ejus ditati sunt."

3. "Quia ex vino irae scortationis ejus biberunt omnes gentes", significat adulterationem omnium boni caeli et ecclesiae per dira falsa mali [n. 1102] ; "et reges terrae cum illa scortati sunt", significat falsificationem omnium veri caeli et ecclesiae (n. 1103] ; "et mercatores terrae ex facultatibus deliciarum ejus ditati sunt", significat instructionem in illis quae caeli et ecclesiae sunt, quae ex amore dominandi per sancta ecclesiae ut media, et quoque ex amore possidendi mundum per eadem, trahunt quod jucunda sint et cupiantur [n. 1104] .

  
/ 1232  
  

The Bible

 

Esaias 18:1

Study

       

1 Væ terræ cymbalo alarum, quæ est trans flumina Æthiopiæ,

©2024 New Christian Bible Study Corporation. All rights reserved. Printed from newchristianbiblestudy.org