20
De volucribus juxta genus suum, et de jumentis in genere suo, et ex omni reptili terræ secundum genus suum : bina de omnibus ingredientur tecum, ut possint vivere.
Genesis 6:20
Arcana Coelestia #629
629. Vers. 13. Et dixit Deus Noaho, Finis omnis carnis venit coram Me, quia impleta est terra violentia a faciebus eorum; et ecce, Ego perdens eos cum terra. ‘Quod dixerit Deus’ significat quod ita fuerit: ‘finis omnis carnis venit coram Me’ significat quod humanum genus non posset non perire: ‘quia impleta est terra violentia’ significat quod amplius nulla voluntas boni: ‘ecce, Ego perdam eos cum terra’ significat quod genus humanum cum Ecclesia periret.
