Arcana Coelestia #515
515. Vers. 19, 20. Et vixit Jared, postquam genuit illum Hanochum, octingentis annis; et genuit filios et filias. Et fuerunt omnes dies Jaredi, duo et sexaginta anni et nongenti anni; et mortuus est. Haec quoque similiter se habent ac illa de quibus prius. Quod non aetates eorum tantae fuerint, ut Jaredi duorum 1 et sexaginta et nongentorum annorum et Methushelahi novem 2 et sexaginta et nongentorum cuivis quoque constare potest; tum etiam ex illis quae ex Divina Domini Misericordia dicentur ad cap. seq. vers. 3, ubi dicitur ‘Erunt dies eorum centum et viginti anni’, quare annorum numerus non significat aetatem vitae alicujus hominis sed tempora et status Ecclesiae.
Footnotes:
1. This is written as 962 in the First Latin Edition.
2. This is written as 969 in the First Latin Edition.