Arcana Coelestia #4160
4160. ‘Ne succenseatur in oculis domini mei, quia non possum surgere a coram te’: quod significet quod revelari non possint, constare etiam potest a serie rerum in sensu interno, proinde absque ulteriore explicatione; ‘surgere’ enim foret detegere, proinde revelare, vera quae per teraphim' significantur; ita ‘non posse surgere’ significat quod revelari non possent.