Arcana Coelestia #3609
3609. ‘Et vocavit ad Jacobum filium suum minorem, et dixit ad illum’: quod significet statum apperceptionis affectionis veri ex influxu per 1 Divinum Verum, constat ex repraesentatione ‘Rebeccae’ quae vocavit et dixit, quod sit Divinum Verum Divini Rationalis Domini conjunctum Divino Bono ibi; ex repraesentatione ‘Jacobi’ quod sit verum naturale seu affectio veri ibi, de quibus prius; et ex significatione ‘vocare ad illum et dicere ad illum’ quod sit status perceptionis, de qua etiam prius, hic apperceptionis quia de Naturali 2 agitur.
Footnotes:
1. The following two (or in some cases more) words are transposed in the Manuscript.
2. The Manuscript has praedicatur