Arcana Coelestia #3290
3290. ‘Et dixit, Si ita, ad quid hoc, ego?’ quod significet angustiam, constare potest ex sensu horum verborum quod sint angustiae, et quidem propter collisionem, hoc est, pugnam inter fratres: ‘si ita’ significat si de hoc pugnarent; ‘ad quid hoc’ significat quod de ea re non pugnandum; ‘ego’ seu ‘ad quid ego’ significat si pugnarent de illa re quod influxum ex rationali vero non reciperent, inde angustia.