Arcana Coelestia #3088
3088. ‘Cucurrit servus obviam illi, et dixit’: quod significet explorationem a Divino Bono, constat a significatione ‘currere obviam illi’ quod sit explorare num ita se habeat prout corde suo locutus, internum sensus hoc dictat; tum ex significatione ‘dicere’ quod sit percipere, de qua saepius prius, ita quoque explorare; quod a Divino Bono, est quia servus hic agit vicem domini sui, nempe Abrahami, tum quoque Jishaki; missus enim induit personam mittentis, ut pluries in Verbo; sicut de angelis legitur quod primum nominentur angeli, 1 et dein vocentur Jehovah, ut qui apparuit Mosi in rubo, Exod. 3:2, 4 seq. et qui apparuit Gideoni, Jud. 6:11, 12, 14: inde etiam est quod Rebecca ad illum dicat, ‘domine mi’, vers. seq.
Footnotes:
1. et dein vocantur Jehovah after 12, 14 below.
Genesis 24:14
14
Igitur puella, cui ego dixero : Inclina hydriam tuam ut bibam : et illa responderit : Bibe, quin et camelis tuis dabo potum : ipsa est quam præparasti servo tuo Isaac : et per hoc intelligam quod feceris misericordiam cum domino meo.
