Arcana Coelestia #9805
9805. SENSUS INTERNUS
vers. 1, 2, 2. Et tu appropinquare fac ad te Aharonem fratrem tuum, et filios ejus cum illo, e medio filiorum Israelis, ad fungendum eum sacerdotio Mihi, Aharon, Nadab et Abihu, Eleazar et Ithamar, filii Aharonis. Et facies vestes sanctitatis Aharoni fratri tuo ad gloriam et ad decus. ‘Et tu appropinquare fac ad te Aharonem fratrem tuum’ significat conjunctionem Divini Veri cum Divino Bono in Divino Humano Domini: ‘et filios ejus’ significat Divinum Verum ex Divino Bono procedens: ‘e medio filiorum Israelis’ significat in caelo et in Ecclesia: ‘ad fungendum eum sacerdotio Mihi’ significat repraesentativum Domini: ‘Aharon’ significat quoad Divinum Caeleste: ‘Nadab et Abihu’ significat quoad Divinum Spirituale inde: ‘Eleazar et Ithamar’ significat quoad Divinum Naturale: ‘filii Aharonis’ significat quae ex Divino Caelesti 1 procedunt 2 : ‘et facies vestes sanctitatis Aharoni fratri tuo’ significat repraesentativum regni spiritualis adjuncti regno caelesti: ‘ad gloriam et ad decus’ significat ad sistendum Divinum Verum quale in regno spirituali adjuncto regno caelesti in forma interna et externa. 3
Footnotes:
1. The Manuscript inserts Divini Humani Domini.
2. The Manuscript inserts quod non aliud repraesentatur quam Divinum Humanum, quod ipsum Divinum quod dari nec repraesentari possit.
3. The Manuscript inserts (ita in coelos et in Ecclesia. )
