New Christian Bible Study

The Bible

 

Ezechiel 35

Study

   

1 Et factus est sermo Domini ad me, dicens :

2 Fili hominis, pone faciem tuam adversum montem Seir, et prophetabis de eo, et dices illi :

3 Hæc dicit Dominus Deus : Ecce ego ad te, mons Seir : et extendam manum meam super te, et dabo te desolatum atque desertum.

4 Urbes tuas demoliar, et tu desertus eris : et scies quia ego Dominus.

5 Eo quod fueris inimicus sempiternus, et concluseris filios Israël in manus gladii in tempore afflictionis eorum, in tempore iniquitatis extremæ :

6 propterea vivo ego, dicit Dominus Deus, quoniam sanguini tradam te, et sanguis te persequetur : et cum sanguinem oderis, sanguis persequetur te.

7 Et dabo montem Seir desolatum atque desertum : et auferam de eo euntem et redeuntem.

8 Et implebo montes ejus occisorum suorum : in collibus tuis, et in vallibus tuis atque in torrentibus, interfecti gladio cadent.

9 In solitudines sempiternas tradam te, et civitates tuæ non habitabuntur : et scietis quia ego Dominus Deus.

10 Eo quod dixeris : Duæ gentes et duæ terræ meæ erunt, et hæreditate possidebo eas, cum Dominus esset ibi :

11 propterea vivo ego, dicit Dominus Deus, quia faciam juxta iram tuam, et secundum zelum tuum, quem fecisti odio habens eos : et notus efficiar per eos, cum te judicavero.

12 Et scies quia ego Dominus audivi universa opprobria tua, quæ locutus es de montibus Israël, dicens : Deserti ; nobis ad devorandum dati sunt.

13 Et insurrexistis super me ore vestro, et derogastis adversum me verba vestra : ego audivi.

14 Hæc dicit Dominus Deus : Lætante universa terra, in solitudinem te redigam,

15 sicuti gavisus es super hæreditatem domus Israël, eo quod fuerit dissipata, sic faciam tibi : dissipatus eris, mons Seir, et Idumæa omnis : et scient quia ego Dominus.

   

From Swedenborg's Works

 

Dicta Probantia #4

  
/ 101  
  

4. CHRISTUS. SECTIO 2.2

Filius Dei, Rom. 1:3, 4.

Vocati Jesu Christi, h. e. Christiani, Rom. 1:6, per fidem Jesu Christi, Rom. 3:22.

Fides in Christum. Per Jesum Christum pacem habemus erga Deum; et ad Deum aditum habemus fide in gratiam hanc, et gloriamur super spe gloriae Dei, Rom. 5:1, 2.

Per Jesum Christum reconciliati sumus Deo, Rom. 5:10, 11.

Sicut per unum hominem peccatum intravit in mundum, ita per unius justitiam justificamur, Rom. 5:12, 13, 16, 18, 19.

Nihil condemnationis est iis, qui in Christo Jesu non secundum carnem ambulant, sed secundum spiritum. Ut justificatio legis impleretur in nobis, qui non secundum carnem ambulamus, sed secundum spiritum, Rom. 8:1, 4.

Christus est in dextra Dei, qui et intercedit pro nobis, Rom. 8:34.

Quis nos separabit a dilectione Christi, num afflictio, angustia, fames, mors, angeli, principatus, altitudo, profunditas, etc: Rom. 8:35 ad 39.

Ex Patribus est Christus quoad carnem, qui est super omnia Deus benedictus in saecula, amen, Rom. 9:5.

Omnis qui invocaverit nomen Domini, salvabitur, Rom. 10:13.

Unum corpus sumus in Christo, omnes sunt membra habentes dona secundum gratiam diversa, Rom. 12:5, 6. Dona quae diversis membris sunt in longa serie enumerantur, vers. 6 ad 13.

Induite Dominum Jesum Christum, Rom. 13:14.

Sive vivimus, Domino vivimus, sive morimur, Domino morimur, sive ergo vivamus, sive moriamur, Domini sumus: in hoc enim Christus et mortuus est, et resurrexit, et revixit, ut tam mortuis quam viventibus dominetur, Rom. 14:8, 9.

Scriptum est, vivo Ego, dicit Dominus, quia Mihi flectetur omne genu, et omnis lingua confitebitur Deo, Rom. 14:11.

Dicit Esajas 11:10, seq. Erit Radix Jesse, et qui surrecturus est, ut dominetur gentibus; super eo gentes sperabunt, Rom. 15:12.

Evangelium Christi, Rom. 15:19, 20, 21.

Electus et probatus in Domino, in Christo; operari et laborare in Domino, Rom. 16:8, 9, 10, 11, 12, 13.

  
/ 101  
  

The Bible

 

Romanos 16:9

Study

       

9 Salutate Urbanum adjutorem nostrum in Christo Jesu, et Stachyn dilectum meum.

©2024 New Christian Bible Study Corporation. All rights reserved. Printed from newchristianbiblestudy.org