Doctrina Novae Hierosolymae de Domino #50
50. (iv., ( Quod ubi dicitur "spiritus "de Domino, intelligatur Divina Ipsius vita, ita Ipse Dominus, constat ex his:-
"Quem... misit Pater, verba Dei loquitur; non... ex mensura dedit Deus Ei spiritum; Pater amat Filium, et omnia dedit in manum Ipsius" (Johannem 3:34-35).
"Exibit virga de trunco Jischaji,... quiescet super Ipso spiritus Jehovae, spiritus sapientiae et intelligentiae, spiritus consilii et virtutis" (Esaiam 11:1-2).
"Dedi spiritum meum super illum, judicium gentibus proferet" (Esaiam 42:1).
"Veniet sicut flumen angustum, spiritus Jehovae signum inferet in illo; tunc veniet Zioni Redemptor" (Esaiam 59:19-20).
"Spiritus Domini Jehovih super Me,... unxit Jehovah Me ad evangelizandum pauperibus" (Esaiam 61:1; Lucam 4:18).
"Jesus cognoscens spiritu suo, quod sic cogitarent intra se..." (Marcum 2:8).
"Exultavit spiritu Jesus, et dixit (Lucam 10:21).
"Jesus turbatus spiritu suo" (Johannem 13:21).
Jesus "suspirans spiritu suo" (Marcum 8:12).
[2] Spiritus pro Ipso Jehovah seu Domino:
"Spiritus Deus est" (Johannem 4:24).
"Quis direxit spiritum Jehovae, aut quis vir consilii Ipsius?" (Esaiam 40:13; Sachariam 4:6.)
"Spiritus Jehovae duxit illos per manum Mosis" (Esaiam 63:14).
"Quo abivero a spiritu tuo, et quo... avolavero?" (Psalmus 139:7.)
"Dixit Jehovah Non per robur, sed per spiritum meum faciet" (Sachariam 4:6).
"Illi exacerbarunt spiritum sanctitatis Ipsius; unde conversus est illis in hostem" (Esaiam 63:10; Psalmus 106:33).
"Non arguet spiritus meus hominem in perpetuum, quia caro est" (Genesis 6:3).
"Non... in aeternum litigabo,... quia spiritus coram Me deficeret" (Esaiam 57:16 1 ).
"Blasphemia contra Spiritum Sanctum non remittetur; sed qui dixerit verbum contra Filium hominis remittetur" (Matthaeum 12:31-32; Marcum 3:28-30; Lucam 12:10):
"Blasphemia contra Spiritum Sanctum," est blasphemia contra Divinum Domini:" (verbum) contra Filium hominis," est aliquid contra Verbum, sensum ejus aliter interpretando; "Filius hominis" enim est Dominus quoad Verbum, ut supra ostensum est.
Footnotes:
1. 16 pro "17"