7169. ‘Et liberando non liberasti populum Tuum’: quod significet quod e statu infestationum a falsis non exempti, constat ex significatione ‘liberari’ quod sit ex statu infestationum a falsis eximi, nam de infestationibus a falsis in praecedentibus agitur, inde liberari hic est ab illis eximi; quod ‘populus Tuus’ sint qui in veris et bonis Ecclesiae, et infestati, videatur mox supra n. 7165, 7168.