Arcana Coelestia #3288
3288. Quod ‘concepit Rebecca mulier ejus’ significet quod ex Divino Vero ut a matre, constat ex repraesentatione ‘Rebeccae’ quod sit Divinum Verum Rationalis, de qua in capite praecedente; et a significatione ‘concipere’ quod sit primum ortus Divini Naturalis ut a matre; nam, ut mox supra dictum est', Divinum Naturale ortum est a Divino Bono Rationalis, ut a patre, et a Divino Vero Rationalis, ut a matre: quod ita sit, vix 1 aliquis novit, et hoc eo minus quia pauci sciunt quod rationale 2 distinctum sit a naturali, nec alii sciunt hoc quam qui vere rationales sunt, nec vere rationales sunt alii quam qui regenerati sunt a Domino; qui non regenerati sunt, non capiunt 3 hoc, nam illis rationale est idem ac naturale.
Footnotes:
1. The Manuscript inserts adhuc.
2. The following two (or in some cases more) words are transposed in the Manuscript.
3. The Manuscript has aliud quam quod rationale sit
