Arcana Coelestia #9057
9057. ‘Plagam pro plaga’: quod significet si aliquid affectionis in intellectuali, nempe 1 quae exstinguuntur seu laeduntur, constat ex significatione ‘plagae’ quod sit exstinctio seu laesio affectionis in intellectuali, hoc est, affectionis veri; ‘plaga’ in lingua 2 originali exprimitur per vocem quae significat livorem ex collectione sanguinis 3 vel saniei, et ‘sanguis’ in sensu interno est verum fidei ex bono amoris, et in opposito 4 sensu est verum falsificatum ac profanatum, n. 4735, 5 6978, 7317, 7326; inde ‘plaga’ est verum laesum seu exstinctum; hoc etiam significatur per ‘plagas’ 6 in Apocalypsi 9:20, 7 11:6, Apocalypsis13:12 8 , 15:1, 6, 8, 16:21, 18:8; tum per ‘plagas’ apud Jeremiam 30:12, 14, 17; 9 apud Ezech. 7:2; apud Sachariam 14:12-15;
apud Davidem 38:6 [KJV 5]; apud Lucam 10:30-35, ubi agitur de illo qui incidit in latrones, qui inflixerunt ei plagas, et reliquerunt semimortuum; et quod Samarita obligaverit plagas ejus, infuderit oleum et vinum, sustulerit illum super jumentum suum, et duxerit in diversorium 10 ;
[2] qui sensum internum Verbi intelligit scire potest cur a Domino dictum sit quod Samarita obligaverit plagas, infuderit oleum et vinum, et sustulerit super jumentum suum; per ‘Samaritam’ enim in eo sensu intelligitur qui in affectione veri 11 , per ‘obligare plagas’ significatur sanatio laesae illius affectionis, per ‘infundere oleum et vinum’ significatur bonum amoris et bonum fidei, et per ‘tollere super jumentum’ significatur sublevare ex suo intellectuali; ita per illa verba descripta est 12 charitas erga proximum, naturaliter pro homine in mundo et spiritualiter pro angelis in caelo, naturaliter in sensu litterae et spiritualiter in sensu interno; quod ‘Samarita’ sit qui in affectione veri, est quia ‘Samaria’ illam affectionem in Verbo significat; quod ‘oleum’ sit bonum amoris, videatur n. 886, 3728, 4582, 13 quod ‘vinum’ sit bonum fidei, n. 1798, 14 6377, 15 quod ‘jumentum’ sit intellectuale, n. 2761, 2762, 2781, 3217, 5321, 5741, 6125, 6401, 16 6534, 7024, 8146, 8148; ita Dominus locutus est, sed pauci hoc capiunt, credunt enim talia dicta esse solum 17 parabolam historice concinnandi causa; sed ita forent verba non ex Divino; verba ex Divino omnia in se habent talia quae Domini sunt, quae caeli, et quae Ecclesiae, et hoc in unaquavis iota, videatur supra n. 9049 fin.
Footnotes:
1. quod exstinguitur seu laeditur, in the First Latin Edition and in the Second Latin Edition
2. Hebraea
3. seu
4. The following word or phrase is crossed out in the Manuscript, but it does appear in the first edition.
5. The editors of the third Latin edition made a minor correction here. For details, see the end of the appropriate volume of that edition.
6. similiter ac per plagas written above in Apocalypsi
7. The editors of the third Latin edition made a minor correction here. For details, see the end of the appropriate volume of that edition.
8. The editors of the third Latin edition made a minor correction here. For details, see the end of the appropriate volume of that edition.
9. Apud Ezech. 6:2 1, Apud Eundem 50:13, in the Second Latin Edition
10. The Manuscript inserts et curam ejus habuerit.
11. The Manuscript inserts est.
12. The editors of the third Latin edition made a minor correction here. For details, see the end of the appropriate volume of that edition.
13. The Manuscript inserts et.
14. The editors of the third Latin edition made a minor correction here. For details, see the end of the appropriate volume of that edition.
15. Omitted in the Manuscript, but to be found in an earlier deleted draft.
16. The editors of the third Latin edition made a minor correction here. For details, see the end of the appropriate volume of that edition.
17. The editors of the third Latin edition made a minor correction here. For details, see the end of the appropriate volume of that edition.
