¹ כי הנה בימים ההמה ובעת ההיא אשר אשוב את שבות יהודה וירושלם׃

² וקבצתי את כל הגוים והורדתים אל עמק יהושפט ונשפטתי עמם שם על עמי ונחלתי ישראל אשר פזרו בגוים ואת ארצי חלקו׃

³ ואל עמי ידו גורל ויתנו הילד בזונה והילדה מכרו ביין וישתו׃

⁴ וגם מה אתם לי צר וצידון וכל גלילות פלשת הגמול אתם משלמים עלי ואם גמלים אתם עלי קל מהרה אשיב גמלכם בראשכם׃

⁵ אשר כספי וזהבי לקחתם ומחמדי הטבים הבאתם להיכליכם׃

⁶ ובני יהודה ובני ירושלם מכרתם לבני היונים למען הרחיקם מעל גבולם׃

⁷ הנני מעירם מן המקום אשר מכרתם אתם שמה והשבתי גמלכם בראשכם׃

⁸ ומכרתי את בניכם ואת בנותיכם ביד בני יהודה ומכרום לשבאים אל גוי רחוק כי יהוה דבר׃

⁹ קראו זאת בגוים קדשו מלחמה העירו הגבורים יגשו יעלו כל אנשי המלחמה׃

¹⁰ כתו אתיכם לחרבות ומזמרתיכם לרמחים החלש יאמר גבור אני׃

¹¹ עושו ובאו כל הגוים מסביב ונקבצו שמה הנחת יהוה גבוריך׃

¹² יעורו ויעלו הגוים אל עמק יהושפט כי שם אשב לשפט את כל הגוים מסביב׃

¹³ שלחו מגל כי בשל קציר באו רדו כי מלאה גת השיקו היקבים כי רבה רעתם׃

¹⁴ המונים המונים בעמק החרוץ כי קרוב יום יהוה בעמק החרוץ׃

¹⁵ שמש וירח קדרו וכוכבים אספו נגהם׃

¹⁶ ויהוה מציון ישאג ומירושלם יתן קולו ורעשו שמים וארץ ויהוה מחסה לעמו ומעוז לבני ישראל׃

¹⁷ וידעתם כי אני יהוה אלהיכם שכן בציון הר קדשי והיתה ירושלם קדש וזרים לא יעברו בה עוד׃

¹⁸ והיה ביום ההוא יטפו ההרים עסיס והגבעות תלכנה חלב וכל אפיקי יהודה ילכו מים ומעין מבית יהוה יצא והשקה את נחל השטים׃

¹⁹ מצרים לשממה תהיה ואדום למדבר שממה תהיה מחמס בני יהודה אשר שפכו דם נקיא בארצם׃

²⁰ ויהודה לעולם תשב וירושלם לדור ודור׃

²¹ ונקיתי דמם לא נקיתי ויהוה שכן בציון׃

¹ "Behold, I send my messenger, and he will prepare the way before me; and the Lord, whom you seek, will suddenly come to his temple; and the messenger of the covenant, whom you desire, behold, he comes!" says Yahweh of Armies.

² "But who can endure the day of his coming? And who will stand when he appears? For he is like a refiner's fire, and like launderer's soap;

³ and he will sit as a refiner and purifier of silver, and he will purify the sons of Levi, and refine them as gold and silver; and they shall offer to Yahweh offerings in righteousness.