¹ לכו ונשובה אל יהוה כי הוא טרף וירפאנו יך ויחבשנו׃

² יחינו מימים ביום השלישי יקמנו ונחיה לפניו׃

³ ונדעה נרדפה לדעת את יהוה כשחר נכון מצאו ויבוא כגשם לנו כמלקוש יורה ארץ׃

⁴ מה אעשה לך אפרים מה אעשה לך יהודה וחסדכם כענן בקר וכטל משכים הלך׃

⁵ על כן חצבתי בנביאים הרגתים באמרי פי ומשפטיך אור יצא׃

⁶ כי חסד חפצתי ולא זבח ודעת אלהים מעלות׃

⁷ והמה כאדם עברו ברית שם בגדו בי׃

⁸ גלעד קרית פעלי און עקבה מדם׃

⁹ וכחכי איש גדודים חבר כהנים דרך ירצחו שכמה כי זמה עשו׃

¹⁰ בבית ישראל ראיתי שעריריה שם זנות לאפרים נטמא ישראל׃

¹¹ גם יהודה שת קציר לך בשובי שבות עמי׃

¹⁶ "Whoever in the open field touches one who is slain with a sword, or a dead body, or a bone of a man, or a grave, shall be unclean seven days.