¹ שמעו דבר יהוה בני ישראל כי ריב ליהוה עם יושבי הארץ כי אין אמת ואין חסד ואין דעת אלהים בארץ׃

² אלה וכחש ורצח וגנב ונאף פרצו ודמים בדמים נגעו׃

³ על כן תאבל הארץ ואמלל כל יושב בה בחית השדה ובעוף השמים וגם דגי הים יאספו׃

⁴ אך איש אל ירב ואל יוכח איש ועמך כמריבי כהן׃

⁵ וכשלת היום וכשל גם נביא עמך לילה ודמיתי אמך׃

⁶ נדמו עמי מבלי הדעת כי אתה הדעת מאסת ואמאסאך מכהן לי ותשכח תורת אלהיך אשכח בניך גם אני׃

⁷ כרבם כן חטאו לי כבודם בקלון אמיר׃

⁸ חטאת עמי יאכלו ואל עונם ישאו נפשו׃

⁹ והיה כעם ככהן ופקדתי עליו דרכיו ומעלליו אשיב לו׃

¹⁰ ואכלו ולא ישבעו הזנו ולא יפרצו כי את יהוה עזבו לשמר׃

¹¹ זנות ויין ותירוש יקח לב׃

¹² עמי בעצו ישאל ומקלו יגיד לו כי רוח זנונים התעה ויזנו מתחת אלהיהם׃

¹³ על ראשי ההרים יזבחו ועל הגבעות יקטרו תחת אלון ולבנה ואלה כי טוב צלה על כן תזנינה בנותיכם וכלותיכם תנאפנה׃

¹⁴ לא אפקוד על בנותיכם כי תזנינה ועל כלותיכם כי תנאפנה כי הם עם הזנות יפרדו ועם הקדשות יזבחו ועם לא יבין ילבט׃

¹⁵ אם זנה אתה ישראל אל יאשם יהודה ואל תבאו הגלגל ואל תעלו בית און ואל תשבעו חי יהוה׃

¹⁶ כי כפרה סררה סרר ישראל עתה ירעם יהוה ככבש במרחב׃

¹⁷ חבור עצבים אפרים הנח לו׃

¹⁸ סר סבאם הזנה הזנו אהבו הבו קלון מגניה׃

¹⁹ צרר רוח אותה בכנפיה ויבשו מזבחותם׃

¹ ואמר שמעו נא ראשי יעקב וקציני בית ישראל הלוא לכם לדעת את המשפט׃

² שנאי טוב ואהבי רעה גזלי עורם מעליהם ושארם מעל עצמותם׃

³ ואשר אכלו שאר עמי ועורם מעליהם הפשיטו ואת עצמתיהם פצחו ופרשו כאשר בסיר וכבשר בתוך קלחת׃

⁴ אז יזעקו אל יהוה ולא יענה אותם ויסתר פניו מהם בעת ההיא כאשר הרעו מעלליהם׃

⁵ כה אמר יהוה על הנביאים המתעים את עמי הנשכים בשניהם וקראו שלום ואשר לא יתן על פיהם וקדשו עליו מלחמה׃

⁶ לכן לילה לכם מחזון וחשכה לכם מקסם ובאה השמש על הנביאים וקדר עליהם היום׃

⁷ ובשו החזים וחפרו הקסמים ועטו על שפם כלם כי אין מענה אלהים׃

⁸ ואולם אנכי מלאתי כח את רוח יהוה ומשפט וגבורה להגיד ליעקב פשעו ולישראל חטאתו׃

⁹ שמעו נא זאת ראשי בית יעקב וקציני בית ישראל המתעבים משפט ואת כל הישרה יעקשו׃

¹⁰ בנה ציון בדמים וירושלם בעולה׃

¹¹ ראשיה בשחד ישפטו וכהניה במחיר יורו ונביאיה בכסף יקסמו ועל יהוה ישענו לאמר הלוא יהוה בקרבנו לא תבוא עלינו רעה׃

¹² לכן בגללכם ציון שדה תחרש וירושלם עיין תהיה והר הבית לבמות יער׃

¹ Now the sons of Reuben the firstborn of Israel, (for he was the firstborn; but, forasmuch as he defiled his father's bed, his birthright was given unto the sons of Joseph the son of Israel: and the genealogy is not to be reckoned after the birthright.