29
Et locutus est Dominus ad Moysen, dicens : Ego Dominus : loquere ad Pharaonem regem Ægypti, omnia quæ ego loquor tibi.
Exodus 6:29
Arcana Coelestia #7187
7187. ‘Nunc videbis quid faciam Pharaoni’: quod significet manifestam perceptionem quid eveniet illis qui infestant, constat ex significatione ‘videre’ quod sit apperceptio, de qua n. 2150, 3764, 4567, 4723, 5400, hic manifesta perceptio quia dicitur de instructione a Divino; ex significatione ‘quid faciam’ quod sit quid eveniet; et ex repraesentatione ‘Pharaonis’ quod sint qui per injecta falsa infestant, de qua n. 6651, 6679, 6683, 7107, 7110, 7126, 7142.
Arcana Coelestia #2150
2150. ‘Et vidit’: quod significet cum hoc apperciperet, constat a significatione ‘videre’ in sensu interno quod sit intelligere, et appercipere, tum illuminari, de qua n. 1584; quod ‘videre’ illa significet, nihil communius est in Verbo; hic significatur quod apperceperit perceptionem ex Divino affore 1 , ut modo dictum.
Фусноти:
1. The Manuscript has esse but changed it to affore.
