2
לך דמיה תהלה אלהים בציון ולך ישלם־נדר׃
4
דברי עונת גברו מני פשעינו אתה תכפרם׃
5
אשרי תבחר ותקרב ישכן חצריך נשבעה בטוב ביתך קדש היכלך׃
6
נוראות בצדק תעננו אלהי ישענו מבטח כל־קצוי־ארץ וים רחקים׃
8
משביח שאון ימים שאון גליהם והמון לאמים׃
9
וייראו ישבי קצות מאותתיך מוצאי־בקר וערב תרנין׃
10
פקדת הארץ ותשקקה רבת תעשרנה פלג אלהים מלא מים תכין דגנם כי־כן תכינה׃
11
תלמיה רוה נחת גדודיה ברביבים תמגגנה צמחה תברך׃
12
עטרת שנת טובתך ומעגליך ירעפון דשן׃
13
ירעפו נאות מדבר וגיל גבעות תחגרנה׃
14
לבשו כרים הצאן ועמקים יעטפו־בר יתרועעו אף־ישירו׃