24
Quibus auditis, Moyses fecit omnia quæ ille suggesserat.
Arcana Coelestia #8722
8722. ‘Et etiam omnis populus hic super locum suum veniet in pace’: quod significet quod illi qui ab Ecclesia spirituali in bono erunt, et sic ex bono ducentur, constat ex significatione ‘populi’ quod sint qui ab Ecclesia spirituali, quia per ‘populum’ intelliguntur filii Israelis, per quos repraesentatur 1 Ecclesia spiritualis; ex significatione ‘ad locum suum venire’ quod sit ad statum ad quem ducentur, qui status est status boni, nam illi qui 2 sunt ab Ecclesia spirituali, per verum ad bonum ducuntur, et cum ad bonum, tunc ad locum suum 3 veniunt; quod ‘locus’ sit status, videatur n. 2625, 2837, 3356, 3387, 4321, 4882, 4 5605, 7381; et ex significatione ‘pacis’ quod sit Divinum in bono, nam ‘pax’ in supremo sensu est Dominus, et inde est quod intime afficit bonum, et est esse felicitatis illorum qui in bono sunt; quamdiu homo in vero est et nondum in bono, est in 5 in tranquillo, sed cum in bono est, tunc in tranquillo est, ita in pace; causa est quia spiritus mali non aggredi possunt bonum sed aufugiunt ad primam apperceptionem ejus, at verum possunt aggredi; inde est quod cum in bono sunt, in pace sint; haec sunt quae significantur per quod ‘omnis populus super locum suum veniet in pace’. Quid sit a Domino per verum duci et quid per bonum, videatur n. 8516, 8539, 8643, 8648, 8648, 8685, 8690, 8701.
Fotnoter:
1. illa Ecclesia
2. The Manuscript places this after spirituali.
3. The Manuscript inserts, hoc est, ad statum suum.
4. The editors of the third Latin edition made a minor correction here. For details, see the end of the appropriate volume of that edition.
5. The editors of the third Latin edition made a minor correction here. For details, see the end of the appropriate volume of that edition.
