246. (Ex Arcanis Caelestibus.)

Quod ecclesia in specie sit ubi Verbum, et per id Dominus notus, ita ubi Divina vera sunt revelata (Arcana Coelestia 3857, 10761).

At usque quod ideo non ab ecclesia sint qui nati ubi Verbum est et Dominus notus, sed qui per vera ex Verbo a Domino regenerantur, qui sunt qui vivunt vitam charitatis (Arcana Coelestia 6637, 10143, 10153, 10578, 10645, 10829).

Qui ab ecclesia sunt, seu in quibus ecclesia, illi in affectione veri sunt propter verum; hoc est, amant verum quia est verum: illi etiam explorant ex Verbo num vera sunt doctrinalia ecclesiae in qua nati (Arcana Coelestia 5432, 6047).

Alioqui foret cuivis verum ex alio, et ex natali solo (Arcana Coelestia 6047).

Quod ecclesia Domini sit apud omnes qui in universo orbe in bono vivunt secundum religiosum suum (Arcana Coelestia 3263, 6637, 10765).

Quod omnes qui in bono vivunt, ubicunque sunt, et agnoscunt unum Deum, acceptentur a Domino, et in caelum veniant; quoniam omnes qui in bono sunt, agnoscunt Dominum, ex causa qua bonum est a Domino, et Dominus est in bono (Arcana Coelestia 2589-2604, 2861, 2863, 3263, 4190, 4197, 6700, 9256).

Quod ecclesia universalis in terris sit coram Domino sicut unus homo (Arcana Coelestia 7395, [7396?], 9276).

Similiter ac caelum, quia ecclesia est caelum seu regnum Domini in terris (Arcana Coelestia 2853, 2996, 2998, 3624-3649, 3636-3643, 3741-3745, 4625 (3629)).

Sed quod ecclesia, ubi Dominus est notus et ubi Verbum est, sit sicut cor et sicut pulmo in homine, respective ad reliqua corporis, quae ex illis ut ex suae vitae fontibus vivunt (Arcana Coelestia 637, 931, 2054, 2853).

Inde est, nisi foret ecclesia ubi Verbum et per id Dominus notus, [quod] non salvaretur genus humanum (Arcana Coelestia 468, 637, 931, 4545, 10452).

Quod ecclesia sit fundamentum caeli (Arcana Coelestia 4060).

Quod ecclesia sit interna et externa (Arcana Coelestia 1242, 6587, 9375, 9680, 10762).

Quod ecclesiae internum sit amor in Dominum et charitas erga proximum; inde quod illi qui in affectione boni et veri sunt ex amore in Dominum et ex charitate erga proximum, ecclesiam internam constituant; et quod illi qui in cultu externo ex obedientia et fide sunt, ecclesiam externam constituant (Arcana Coelestia 1083, 1098, 4288, 6380, 6587, 7840, 8762).

Quod scire verum et bonum et inde agere, sit externum ecclesiae; at velle et amare verum et bonum et inde agere, sit internum ecclesiae (Arcana Coelestia 4899, 6775).

Quod internum ecclesiae sit in cultu eorum qui ab externa ecclesia sunt, tametsi in obscuro (Arcana Coelestia 6775).

Quod ecclesia interna et externa unam ecclesiam faciant (Arcana Coelestia 409, 10762).

Quod homini sit internum et externum, internum ad imaginem caeli, et externum ad imaginem mundi; et quod ideo, ut homo sit ecclesia, externum ejus unum aget cum interno (Arcana Coelestia 3628, 4523, 4524, 6057, 6314, 9706, 10472).

Quod ecclesia sit in interno hominis et simul in externo; non autem in externo absque interno (Arcana Coelestia 1795, 6581, [6580?] 1069).

Quod internum ecclesiae se habeat secundum vera et eorum quale, et secundum implantationem eorum in bono per vitam (Arcana Coelestia 1238).

Quod ecclesia sicut caelum sit in homine, et sic quod ecclesia in communi sit ab hominibus in quibus ecclesia (Arcana Coelestia 3884).

Ut ecclesia sit, erit doctrina vitae, quae est doctrina charitatis (Arcana Coelestia 3445, 10763, 10764).

Quod charitas faciat ecclesiam, et non fides separata a charitate (n. 91).

Proinde non doctrina fidei separatae a charitate, sed doctrina fidei conjunctae cum illa, secundum quam vita (Arcana Coelestia 809, 1798, 1799, 1834, 1844, 4468, 4672, 4676, [4689?], 4766, 5828, [5826?], 6637).

Quod non ecclesia apud hominem sit, nisi vera doctrinae implantata sint bono charitatis apud illum, ita vitae (Arcana Coelestia 3310, 3963, 5826).

Quod nulla ecclesia apud hominem sit, si is modo in veris, quae vocantur fidei, est (Arcana Coelestia 5826).

Quantum boni in ecclesia, si charitas primo loco foret, et fides secundo (Arcana Coelestia 6269).

Et quantum mali si fides primo loco est (Arcana Coelestia 6272).

Quod in ecclesiis antiquis charitas fuerit principale et essentiale ecclesiae (Arcana Coelestia 4680).

Quod ecclesia foret sicut caelum, si omnibus charitas (Arcana Coelestia 2385, 2853).

Si bonum foret character ecclesiae, et non verum absque bono, ita si charitas et non fides separata, quod ecclesia foret una, et nihil faceret quod quoad doctrinalia fidei et quoad externos cultus differrent (Arcana Coelestia 1285, 1316, 2982, 3267, 3445, 3451).

Quod omnis ecclesia incohet a charitate, sed quod temporis tractu ab illa deflectat (Arcana Coelestia 494, 501, 1327, 3773, 4649 [4689?]).

Et sic ad falsa ex malo, et tandem ad mala (Arcana Coelestia 1834, 1835, 2910, 4683, 4689).

Comparatio ecclesiae incohantis et decrescentis cum hominis infantia et senectute (Arcana Coelestia 10134).

Et quoque cum ortu et occasu solis (Arcana Coelestia 1837).

De successivis statibus Ecclesiae Christianae usque ad extremum ejus; ubi explicantur illa quae Dominus praedixerat de "consummatione saeculi" et de "adventu" Ipsius, apud Matthaeum cap. xxiv. a principio ad finem (Arcana Coelestia 3353-3356, 3486-3489, 3650-3655, 3751-3759 [3757?], 3897-3901, 4057-4060, 4229-4231, 4332-4335, 4422-4424, 4635-4638, 4807-4810, 4954-4959, 5063-5071).

Quod Ecclesia Christiana hodie in extremis sit, quoniam ibi non fides quia nulla charitas (Arcana Coelestia 3489, 4649 [4689?]).

Quod ultimum judicium sit ultimum tempus ecclesiae (Arcana Coelestia 2118, 3353, 4057, 4333, 4535).

De ecclesiae vastatione (Arcana Coelestia 407-411).

Quod consummatio saeculi et adventus Domini sit ultimum tempus ecclesiae veteris et primum novae (Arcana Coelestia 2243, 4535, 10622).

Quod interiora vera revelentur cum ecclesia vetus vastatur, inservitura novae quae tunc instauratur (Arcana Coelestia 3398, 3786).

De instauratione ecclesiae apud gentes (Arcana Coelestia 1366, 2986, 4747, 9256).

6269. ‘Et misit Israel dextram suam, et posuit super capite Ephraimi’: quod significet quod primo loco reputaret verum, constat ex significatione ‘mittere dextram suam’ quod sit reputare primo loco; quod ‘dextra’ sit primo loco, patet; et ex repraesentatione ‘Ephraimi’ quod sit intellectuale, ita quoque verum fidei, nam hoc in parte intellectuali hominis habitat cum ibi est visus a luce caeli, ita visus spiritualis, videatur n. 6222. Quod Israel posuerit dextram super capite Ephraimi, et sinistram super capite Menashis, agitur in hoc versu, et quoque in vers. seq. 17-19; et per id significatur quod reputaverit verum fidei primo loco, et bonum charitatis secundo; causa erat quia spiritualis homo, qui per ‘Israelem’ repraesentatur, n. 4286, 6256, non aliter reputat priusquam regeneratus est; ¹ sensibiliter enim animadvertit quid verum fidei, non autem quid bonum charitatis, hoc enim per viam interiorem influit, illud autem per exteriorem, prout scientificum.

[2] Qui autem non regenerantur, dicunt absolute quod fides primo loco sit, hoc est, quod sit essentiale Ecclesiae, quia sic vivere possunt utcumque volunt, et usque dicere quod spem de salute habeant; inde etiam hodie ita evanuit charitas ut vix ab aliquo sciatur quid sit, consequenter etiam fides, nam unum absque altero non datur. Si charitas primo loco foret et fides secundo, alia facies Ecclesiae foret, nam tunc non alii dicerentur Christiani quam qui vitam secundum verum fidei viverent, hoc est, vitam charitatis; et quoque tunc scirent quid charitas; etiam tunc non plures Ecclesias facerent distinguendo inter illas secundum opiniones de veris fidei, sed unam dicerent in qua essent omnes qui in bono vitae, nec modo qui intra orbem ubi Ecclesiae, sed etiam qui extra illum; Ecclesia sic in illustratione foret de talibus quae sunt regni Domini, charitas enim illustrat, et nusquam fides absque charitate; ² ac errores inducti per fidem separatam, perspicue viderentur';

[3] inde patet quae alia facies Ecclesiae foret si bonum charitatis primo loco, hoc est, ³ essentiale esset et verum fidei secundo, hoc est, formale ejus. Facies Ecclesiae foret tunc sicut facies Ecclesiae Antiquae quae in charitate ponebat Ecclesiam, et non alia Ecclesiae doctrinalia habebat quam charitatis; inde illis sapientia a Domino; ⁴ qualis fuit illa Ecclesia, describitur his verbis apud Mosen,

Jehovah circumduxit illum, instruxit illum, custodivit illum, sicut pupillum oculi Sui: sicut aquila excitat nidum suum, super pullis ⁵ suis motitat se, expandit alas suas, accepit illum, portavit illum super ala sua: Jehovah solus duxit illum; nec cum illo Deus alienus; equitare fecit illum super excelsis terrae, et cibavit proventu agrorum, sugere fecit illum mel e rupe, et oleum e saxo petrae: butyrum armenti, et lac gregis, cum adipe agnorum, et arietum filiorum Bashanis, et hircorum, cum adipe renum tritici, et sanguinem uvae bibis merum, Deut. 32:10-14;

quare qui ab illa Ecclesia fuerunt, in caelo sunt, et in omni ibi felicitate et gloria.

Footnotes: