22. (2.) De illis qui in veris sunt et non in bono ita de veris absque bono.

Quod vera absque bono non in se sint vera, quia non habent vitam, omnis enim vita veris est a bono (Arcana Coelestia 3603).

Ita quod sint quasi corpus absque anima (Arcana Coelestia 3180, [8530?], 9454, [9154?],).

Quod cognitiones veri et boni, quae modo in memoria et non in vita sunt, credantur illis esse vera (Arcana Coelestia 5276).

Quod vera non approprientur homini, nec fiant ejus, quae modo scit, et agnoscit ex causis quae procedunt ex amore sui et mundi (Arcana Coelestia 3402, 3834).

Sed quod approprientur quae agnoscit propter ipsum verum et bonum (Arcana Coelestia 3849).

Quod vera absque bono non acceptentur a Domino (Arcana Coelestia 4368): nec salvent (Arcana Coelestia 2261).

Quod illi qui in veris absque bono sunt, non ab ecclesia sint (Arcana Coelestia 3963).

Quod nec possint regenerari (Arcana Coelestia 10637, [1036?],.

Quod Dominus non influat in vera, nisi quam per bonum (Arcana Coelestia 10367).

De separatione veri a bono (Arcana Coelestia 5008, 5009, 5022, 5028).

Quale verum absque bono, et quale ex bono (Arcana Coelestia 1949, 1950, 1964, 5951): ex comparativis (Arcana Coelestia 5830).

Quod verum absque bono sit morosum (Arcana Coelestia 1949-1951, 1964).

Quod in mundo spirituali appareat durum (Arcana Coelestia 6359, 7068); et acuminatum (Arcana Coelestia 2799).

Quod verum absque bono sit sicut lux hiemis, in qua omnia telluris torpent, et nihil producitur: at quod verum ex bono sit sicut lux veris et aestatis, in qua omnia florent et producuntur (Arcana Coelestia 2231, 3146, 3412, 3413).

Quod lux talis hiemalis vertatur in densas tenebras cum influit lux e caelo; et quod illi tunc, qui in illis veris sunt, in caecitatem et stupiditatem veniant (Arcana Coelestia 3412, 3413).

Quod qui vera a bono separant in tenebris sint, et in ignorantia veri ac in falsis (Arcana Coelestia 9186).

Quod se conjiciant a falsis in mala (Arcana Coelestia 3325, 8094).

Errores et falsa in quae se conjiciunt (Arcana Coelestia 4721, 4730, 4776, 4783, 4925, 7779, 8313, 8765, 9221, [9222?],).

Quod Verbum illis occlusum sit (Arcana Coelestia 3773, 4783, 8780).

Quod non videant et attendant ad omnia illa quae Dominus locutus de amore et charitate, ita de bono (Arcana Coelestia 3051, [2051?], 341).

Quod nesciant quid bonum, ita quid amor caelestis et charitas (Arcana Coelestia 2507, [2471?], 3603, 4136, 9995).

Qui vera fidei sciunt, et male vivunt, quod in altera vita abutantur veris ad dominandum; quales illi, et qualis sors illorum ibi (Arcana Coelestia 4802).

Quod Verum Divinum damnet ad infernum, at Divinum Bonum elevet ad caelum (Arcana Coelestia 7258, [2258?],).

Quod Verum Divinum terreat, non Divinum Bonum (Arcana Coelestia 4180).

Quid sit judicari ex vero, et judicari ex bono (Arcana Coelestia 2335).

9186. ‘Argentum pendet secundum dotem virginum’: quod significet verum aliud consentiens loco ejus, constat ex significatione ‘argenti’ quod sit verum, de qua n. 1551, 2954, 5658, 6112, 6914, 6917, ex significatione ‘pendere’ quod sit substitutio loco prioris, nam qui pendit ¹ dotem et non accipit virginem, ille dat aliud pro illa ² , et ex significatione ‘dotis virginum’ quod sit tessera consensus ad conjunctionem, de qua mox supra n. 9184; quae tessera est verum consentiens bono interiori; nam dos erat quinquaginta argenti data patri puellae, Deut. 22:29, ita vera initiantia ad plenam conjunctionem; ‘argentum’ enim est verum, ut hic supra ostensum est, et quinquaginta sunt ³ ad plenum, n. 2252, hic vera alia loco priorum ⁴ et consentientia bono. Quomodo cum his se habet, ex illis quae supra ostensa sunt, patet, quibus hoc addendum est: ut illegitima conjunctio fiat legitima, bonum quod per internum hominem influit ⁵ a Domino, conjunget sibi verum quod per externum, hoc est, per ejus ⁶ auditum, intrat; si hoc verum non concordat cum illo bono, tunc loco ejus aliud verum quod concordat seu consentit ad conjunctionem, substituetur.

[2] Hoc per exempla illustrari posset, sed quia conjunctio boni et veri in caligine est propter remotionem ⁷ boni amoris e veris fidei et illius rejectionem ⁸ post vera, et paene ad tergum, ideo haec res per exempla non ⁹ illustratior evadet; in genere nemo potest sensum internum Verbi, ita nec res sapientiae angelicae, capere nisi qui scit et intelligit quod omnia et singula in caelo se referant ad bonum et verum, et quod ibi nihil existat nisi ex uno conjuncto alteri; inde est quod in tenebris sint qui separant unum ab altero, nempe verum quod fidei a bono quod charitatis, sicut faciunt illi qui dicunt hominem per solam fidem, seu per solam confidentiam quae fidei, salvari; illi quia referunt omnia ad fidem et nihil ad charitatem, nusquam ¹⁰ aliquod capere possunt de rebus caelestibus quae in sensu ¹¹ interno Verbi sunt; sunt enim in tenebris de bono, ita quoque in tenebris de conjunctione boni et veri, consequenter de ipso vero, nam hoc tunc involutum est iisdem tenebris; inde tot et tantae hallucinationes et haereses ¹² ;

[3] qui illustrantur de veris sunt illi pauci qui in doctrina et simul in vita veri sunt. Sciant qui in sola fide sunt quod omnes ideae cogitationis angelorum qui in secundo caelo sunt, et spirituales vocantur, sint ex veris quae facta bona per vitam, et quod omnes ideae cogitationis angelorum qui in tertio caelo sunt, et caelestes vocantur, sint ex bono; et quod hi inde in ipsa sapientia sint, de qua mirabilia, ex Divina Domini Misericordia, alibi dicentur.

Footnotes: