209. (Ex Arcanis Caelestibus.)

Quod Baptismus significet regenerationem a Domino per vera fidei ex Verbo (Arcana Coelestia 4255, 5120, 9089 (9088?) 10239, 10386-10388, 10392).

Quod Baptismus sit in signum quod homo sit ab ecclesia, ubi agnoscitur Dominus a quo regeneratio, et ubi est Verbum ex quo vera fidei per quae regeneratio (Arcana Coelestia 10386-10388).

Quod Baptismus non det fidem nec salutem, sed quod testetur quod recepturi qui regenerantur (Arcana Coelestia 10391).

Quod lavationes in Ecclesiis Antiquis, et in Ecclesia Israelitica, repraesentaverint et inde significaverint purificationes a malis et falsis (Arcana Coelestia 3147, 9089, (9088), 10237, 10239).

Quod "lavationes vestium" significaverint purificationem intellectus a falsis (Arcana Coelestia 5954).

Quod "lavatio pedum" significaverit purificationem naturalis hominis (Arcana Coelestia 3147, 10241).

Explicatur quid significatur per "lavationem pedum discipulorum" a Domino (Arcana Coelestia 10243).

Quod "aquae" significent vera fidei (Arcana Coelestia 28, 2702, 3058, 5668, 8568, 10238).

Quod "fons" et "puteus aquarum vivarum" significet vera fidei a Domino, ita Verbum (Arcana Coelestia 3424).

Quod "panis" et "aqua" significent omnia bona amoris et vera fidei (Arcana Coelestia 4976, 9323).

Quod "spiritus" significet vitam veri, seu vitam fidei (Arcana Coelestia 5222, 9281, 9818).

Quid "spiritus" et "caro;" quod "spiritus" significet vitam a Domino, et "caro" vitam ab homine (Arcana Coelestia 10283).

Inde patet quid significatur per haec Domini verba,

"Nisi quis generatus fuerit ex aqua et spiritu, non potest ingredi in regnum Dei" (Johannes 3:5);

Quod nempe nisi quis regeneratus fuerit per vera fidei et per vitam secundum illa, non possit salvari (Arcana Coelestia 10240).

Quod omnis regeneratio fiat per vera fidei, et per vitam secundum illa (Arcana Coelestia 1904, 2046, 9088, 9959, 10028).

Quod lavatio totalis, quae fiebat per immersionem in aquas Jordanis, significaverit ipsam regenerationem, similiter ac Baptismus (Arcana Coelestia 9089, [9088?], 10239).

Quid significaverit "aquae Jordanis," et quid "Jordanes" (Arcana Coelestia 1585, 4255).

Quod "diluvium" et "inundatio aquarum" significent tentationes (Arcana Coelestia 660, 705, 739, 756, 790, 5725, 6853).

Similiter "Baptismus" (Arcana Coelestia 5120, 10389).

Quomodo repraesentatus est Baptismus e caelo (Arcana Coelestia 2299).

9323. ‘Et benedicet pani tuo et aquis tuis’: quod significet incrementum boni amoris et veri fidei, constat ex significatione ‘benedici a Jehovah ¹ ’ quod sit fructificari in bonis et multiplicari in veris, de qua n. 2846, 3406, 4981, 6091, 6099, 8939, ita incrementum in talibus quae sunt amoris et fidei, ex significatione ‘panis’ quod sit bonum amoris, de qua n. 276, 680, 2165, 2177, 3478, 3735, 3813, 4211, 4217, 4735, 4976, 6118, 8410, et ex significatione ‘aquae’ quod sit verum fidei, de qua n. 680, 739, 2702, 3058, 3424, 4976, 5668, 6346, 7307, 8568. Quia ‘panis’ significabat omne bonum amoris et ‘aqua’ omne verum fidei in complexu, et quia ‘benedici a Jehovah’ significat omne incrementum in illis, ideo sollemne votivam fuit in Ecclesiis antiquis ut Jehovah benedicat pani et aquis, et quoque communis formula dicere panem et aquam cum exprimeretur omnis cibus et omnis potus naturalis, ac intelligeretur omne bonum et omne verum spirituale, haec enim sunt quae nutriunt vitam spiritualem sicut illa vitam naturalem, n. 4976;

[2] haec significantur per ‘panem’ et ‘aquam’ in sequentibus locis: ² apud Esaiam,

Ecce Jehovah Zebaoth removens ex Hierosolyma et Jehudah omnem baculum panis, et omnem baculum aquae, 3:1;

‘baculus panis’ pro potentia et vita ex bono, et ‘baculus aquae’ pro potentia et vita ex vero:

apud Ezechielem,

Ecce Ego frangens baculum panis in Hierosolyma, ut comedant panem in pondere et in sollicitudine, et aquam ³ in mensura et cum stupore bibant; ut careant pane et aqua, et desolentur vir et frater ejus, et contabescant propter iniquitatem suam, 4:16, 17;

quod ‘carere pane et aqua’ sit deprivari bono amoris et vero fidei, patet manifeste, nam dicitur ut ‘desolentur vir et frater ejus, et contabescant propter iniquitatem’: pariter apud eundem,

Panem suum cum sollicitudine comedent, et aquas suas cum stupore bibent, ut devastetur terra ejus a plenitudine ejus, propter violentiam omnium habitantium ⁴ in ea, 12:19:

[3] apud Amos, Ecce dies venturi quibus immittam famem in terram, non famem ad panem, neque sitim ad aquas, sed ad audiendum verba Jehovae, 8:11: in libro Primo Regum, Dixit vir Dei ad Jerobeamum, Si dares mihi dimidiam domum tuam, non ingredior tecum, nec comederem panem, neque biberem aquam in loco hoc; sic namque praecepit Jehovah, dicendo, Non comedes panem, neque bibes aquam, neque redibis per viam quam ivisti. Sed propheta ex Bethele dixit ad illum, quod dictum a Jehovah, quod ⁵ comederet secum panem et biberet aquam, mentiendo; et reversus est cum eo, et comedit panem in domo ejus et bibit aquas; quapropter discerptus est a leone, 13:8, 9, 16-19, 24; ⁶ quod non ederet panem et biberet aquam apud Jerobeamum, significabat ⁷ quod abhorresceret bonum ibi et quoque verum, quia erant profanata, Jerobeamus enim profanavit altare et omnia sancta cultus, ut patet ab historicis Verbi ibi.

[4] Defectus boni et veri spiritualis significabatur per quod non data sit pluvia per tres annos et dimidium regnante Achabo, usque ut deficeret panis et aqua; et quod tunc abiret Elias ad viduam in Sarepta, et peteret ab illa parum aquae in vase ut biberet, et ⁸ frustum panis ut ederet, 1 Reg. 17 et 18;

per ‘panem’ enim significabatur ⁹ omne bonum Ecclesiae, et per ‘aquam’ omne verum Ecclesiae, ut supra dictum est; ¹⁰ quia eo tempore repraesentabantur talia, ex causa quia repraesentativam Ecclesiae erat apud illos, et quia sic per repraesentativa conscriberetur ¹¹ Verbum, etiam historicum, inde erat quod devastatio boni et veri repraesentaretur ¹² per defectum panis et aquae; quoniam ¹³ ‘panis’ significabat omne bonum amoris in complexu, ideo quoque sacrificia dicebantur panis, n. 2165, et ideo quoque Dominus Se vocat ‘panem qui e caelo descendit’, Joh. 6:48, 50, 51, nam Dominus ¹⁴ est ipsum Bonum Amoris.

Footnotes: