209. (Ex Arcanis Caelestibus.)

Quod Baptismus significet regenerationem a Domino per vera fidei ex Verbo (Arcana Coelestia 4255, 5120, 9089 (9088?) 10239, 10386-10388, 10392).

Quod Baptismus sit in signum quod homo sit ab ecclesia, ubi agnoscitur Dominus a quo regeneratio, et ubi est Verbum ex quo vera fidei per quae regeneratio (Arcana Coelestia 10386-10388).

Quod Baptismus non det fidem nec salutem, sed quod testetur quod recepturi qui regenerantur (Arcana Coelestia 10391).

Quod lavationes in Ecclesiis Antiquis, et in Ecclesia Israelitica, repraesentaverint et inde significaverint purificationes a malis et falsis (Arcana Coelestia 3147, 9089, (9088), 10237, 10239).

Quod "lavationes vestium" significaverint purificationem intellectus a falsis (Arcana Coelestia 5954).

Quod "lavatio pedum" significaverit purificationem naturalis hominis (Arcana Coelestia 3147, 10241).

Explicatur quid significatur per "lavationem pedum discipulorum" a Domino (Arcana Coelestia 10243).

Quod "aquae" significent vera fidei (Arcana Coelestia 28, 2702, 3058, 5668, 8568, 10238).

Quod "fons" et "puteus aquarum vivarum" significet vera fidei a Domino, ita Verbum (Arcana Coelestia 3424).

Quod "panis" et "aqua" significent omnia bona amoris et vera fidei (Arcana Coelestia 4976, 9323).

Quod "spiritus" significet vitam veri, seu vitam fidei (Arcana Coelestia 5222, 9281, 9818).

Quid "spiritus" et "caro;" quod "spiritus" significet vitam a Domino, et "caro" vitam ab homine (Arcana Coelestia 10283).

Inde patet quid significatur per haec Domini verba,

"Nisi quis generatus fuerit ex aqua et spiritu, non potest ingredi in regnum Dei" (Johannes 3:5);

Quod nempe nisi quis regeneratus fuerit per vera fidei et per vitam secundum illa, non possit salvari (Arcana Coelestia 10240).

Quod omnis regeneratio fiat per vera fidei, et per vitam secundum illa (Arcana Coelestia 1904, 2046, 9088, 9959, 10028).

Quod lavatio totalis, quae fiebat per immersionem in aquas Jordanis, significaverit ipsam regenerationem, similiter ac Baptismus (Arcana Coelestia 9089, [9088?], 10239).

Quid significaverit "aquae Jordanis," et quid "Jordanes" (Arcana Coelestia 1585, 4255).

Quod "diluvium" et "inundatio aquarum" significent tentationes (Arcana Coelestia 660, 705, 739, 756, 790, 5725, 6853).

Similiter "Baptismus" (Arcana Coelestia 5120, 10389).

Quomodo repraesentatus est Baptismus e caelo (Arcana Coelestia 2299).

9089. ‘Et mortuum erit sibi’: quod significet quod malum aut falsum illi mansurum, constat ex significatione ‘mortui’ cum dicitur de bono aut vero in naturali, quod significatur per ‘bovem aut asinum’, quod sit malum aut falsum, nam cum bonum moritur succedit malum, et cum verum moritur succedit falsum; quia ‘mortuum’ est malum et falsum, ideo mortui dicuntur ¹ qui volunt malum et credunt falsum, ² n. 7494; et ex significatione ‘esse sibi’ quod sit manere apud illum. Cum his ita se habet: si quis per falsum destruit bonum aut verum apud se aut apud alios, is ex malo id facit, ita ex voluntario per intellectuale, nam omne malum est voluntarii, et omne falsum est intellectualis; quod per utrumque fit, hoc remanet, nam imbuit omne vitae hominis; aliter si malum exit ex voluntario et non simul ex intellectuali, n. 9009; inde patet unde est quod statutum sit quod ‘mortuum erit illi’.

Footnotes: