209. (Ex Arcanis Caelestibus.)

Quod Baptismus significet regenerationem a Domino per vera fidei ex Verbo (Arcana Coelestia 4255, 5120, 9089 (9088?) 10239, 10386-10388, 10392).

Quod Baptismus sit in signum quod homo sit ab ecclesia, ubi agnoscitur Dominus a quo regeneratio, et ubi est Verbum ex quo vera fidei per quae regeneratio (Arcana Coelestia 10386-10388).

Quod Baptismus non det fidem nec salutem, sed quod testetur quod recepturi qui regenerantur (Arcana Coelestia 10391).

Quod lavationes in Ecclesiis Antiquis, et in Ecclesia Israelitica, repraesentaverint et inde significaverint purificationes a malis et falsis (Arcana Coelestia 3147, 9089, (9088), 10237, 10239).

Quod "lavationes vestium" significaverint purificationem intellectus a falsis (Arcana Coelestia 5954).

Quod "lavatio pedum" significaverit purificationem naturalis hominis (Arcana Coelestia 3147, 10241).

Explicatur quid significatur per "lavationem pedum discipulorum" a Domino (Arcana Coelestia 10243).

Quod "aquae" significent vera fidei (Arcana Coelestia 28, 2702, 3058, 5668, 8568, 10238).

Quod "fons" et "puteus aquarum vivarum" significet vera fidei a Domino, ita Verbum (Arcana Coelestia 3424).

Quod "panis" et "aqua" significent omnia bona amoris et vera fidei (Arcana Coelestia 4976, 9323).

Quod "spiritus" significet vitam veri, seu vitam fidei (Arcana Coelestia 5222, 9281, 9818).

Quid "spiritus" et "caro;" quod "spiritus" significet vitam a Domino, et "caro" vitam ab homine (Arcana Coelestia 10283).

Inde patet quid significatur per haec Domini verba,

"Nisi quis generatus fuerit ex aqua et spiritu, non potest ingredi in regnum Dei" (Johannes 3:5);

Quod nempe nisi quis regeneratus fuerit per vera fidei et per vitam secundum illa, non possit salvari (Arcana Coelestia 10240).

Quod omnis regeneratio fiat per vera fidei, et per vitam secundum illa (Arcana Coelestia 1904, 2046, 9088, 9959, 10028).

Quod lavatio totalis, quae fiebat per immersionem in aquas Jordanis, significaverit ipsam regenerationem, similiter ac Baptismus (Arcana Coelestia 9089, [9088?], 10239).

Quid significaverit "aquae Jordanis," et quid "Jordanes" (Arcana Coelestia 1585, 4255).

Quod "diluvium" et "inundatio aquarum" significent tentationes (Arcana Coelestia 660, 705, 739, 756, 790, 5725, 6853).

Similiter "Baptismus" (Arcana Coelestia 5120, 10389).

Quomodo repraesentatus est Baptismus e caelo (Arcana Coelestia 2299).

10239. ‘Et lavabunt Aharon et filii ejus ex eo’: quod significet repraesentativum purificationis et regenerationis hominis a Domino, constat ex significatione ‘lavare’ quod sit purificatio, de qua supra n. 10237, ex repraesentatione ‘Aharonis’ quod sit Dominus quoad Divinum Bonum Caeleste, de qua n. 9806, 10068, et ex repraesentatione ‘filiorum Aharonis’ quod ¹ sit Dominus quoad Divinum Bonum Spirituale, de qua n. 9807, 10068; ex quibus patet quod per ‘lavabunt Aharon et filii ejus ex eo’ significetur repraesentativum purificationis hominis a Domino; quod etiam sit repraesentativum regenerationis, est quia regeneratio etiam repraesentabatur per lavationem, sed per lavationem totius corporis, quae lavatio vocabatur baptizatio; quod baptizatio seu baptismus significet regenerationem, videatur n. 4255, ² 9088.

[2] Sed regeneratio a purificatione differt in eo quod regeneratio praecedens sit et purificatio consequens, nemo enim a malis et falsis purificari potest nisi ³ qui regeneratur, ⁴ ac postquam regeneratus est; nam qui non regeneratus est, quidem abducitur a malis quantum patitur, sed non purificatur ab illis, semper enim impurus est; ⁵ aliter homo regeneratus ⁶ , ⁷ hic indies purificatur; quod intelligitur per Domini verba ad Petrum, Qui lotus est non opus habet nisi ut quoad pedes lavetur, sic mundus est totus, Joh. 13:10;

[3] ⁸ qui lotus est' significat qui regeneratus. Quod lavatio totalis dicta fuerit baptizatio, constat apud Marcum 7:4, et quod lavatio totius corporis, apud Matthaeum 3:13-16; Marcus 1:10 ⁹ ; et quoque 2 Reg. 5:10, 14; Jordanes, in quo fiebant lavationes, quae erant baptizationes, Matth. 3:6, 13; Marcus 1:5 ¹⁰ ; 2 Reg. 5:10, 14, significabat naturale, n. 1585, 4255; quod per lavationem baptismatis etiam significetur tentatio, Matth. 20:22, 23 ¹¹ , est quia omnis regeneratio fit per tentationes, n. 5036, 5773, 8351, 8958, 8959 seq.

[4] Paucis etiam hic dicetur cur Dominus cum in mundo fuit, Ipse quoque ¹² voluerit baptizari, cum tamen per baptizationem significatur regeneratio hominis a Domino; causa fuit quia baptizatio Ipsius Domini significabat glorificationem Humani Ipsius; quod enim in Verbo significat regenerationem ¹³ hominis, hoc etiam significat glorificationem Humani in Domino, nam ¹⁴ regeneratio hominis est imago glorificationis Domini, n. 3138, 3212, 3296, 3490, 44O2, 5688; ideo ¹⁵ cum Dominus permisit Johanni ut baptizaret Ipsum, dixit,

Sic conveniens est nobis implere omnem justitiam Dei, Matth. 3:15;

‘implere omnem justitiam Dei’ est subjugare inferna, ac redigere illa et caelos in ordinem, ex propria potentia, et simul glorificare Humanum Suum; quae facta sunt per tentationes in Se admissas, ita per continuas pugnas cum infernis usque ad ultimam in cruce; quod hoc sit justitia quam implevit Dominus, videatur n. 9486, 9715, 9809, 10019, 10152; similia etiam significantur per quod implerentur omnia quae de Domino scripta sunt in Lege et Prophetis, Luc. 18:31, 22:37, 24:44, et quod Dominus venerit ad implendum omnia legis, Matth. 5:17, 18;

[5] qui non scit arcana Verbi, credit quod Dominus justitia factus sit, per quod impleverit omnia legis, et quod per impletionem illam liberaverit humanum genus a jugo legis, ita a damnatione; at is sensus illorum verborum non est, sed quod justitia ¹⁶ factus sit per subjugationem infernorum, reductionem caelorum in ordinem, et per glorificationem Humani Ipsius; nam per hanc in potestatem Se immisit, ut ex Divino Humano Suo in aeternum subjugare inferna, ac tenere caelos in ordine posset, et sic regenerare hominem, hoc est, liberare illum ab infernis, ac salvare illum.

Footnotes: