121. Quod fides separata ab amore seu charitate, sit sicut lux hiemis, in qua omnia telluris torpent, et nihil messis, fructus, et floris producitur; at quod fides cum amore seu charitate sit sicut lux veris et aestatis, in qua omnia florent et producuntur (Arcana Coelestia 2231, 3146, 3412, 3413).

Quod lux hiemalis, quae est fidei separatae a charitate, vertatur in densas tenebras, cum influit lux e caelo; et quod illi qui in ea fide sunt, tunc in caecitatem et stupiditatem veniant (Arcana Coelestia 3412, 3413).

Quod qui fidem a charitate separant doctrina et vita, in tenebris sint, ita in ignorantia veri, et in falsis, nam haec sunt tenebrae (Arcana Coelestia 9186).

Quod se conjiciant in falsa et inde mala (Arcana Coelestia 3325, 8094).

Errores et falsa, in quae se conjiciunt (Arcana Coelestia 4721, 4730, 4776, 4783, 4925, 7779, 8313, 8765, 9224).

Quod Verbum illis sit occlusum (Arcana Coelestia 3773, 4783, 8780).

Quod non videant et attendant ad omnia illa quae Dominus toties locutus est de amore et charitate, deque eorum fructibus seu bonis actu (de quibus, Arcana Coelestia 1017, 3416).

Quod nec sciant quid bonum, ita nec quid caelestis amor, et quid charitas (a. 2507, [2517?], 3603, 4136, 9995).

Quod fides separata a charitate sit nulla fides (Arcana Coelestia 654, 724, 1162, 1176, 2049, 2116, 2340, [2343?], 2349, 2419 (2417, 3419?), 3849, 3868, 6348, 7039, 7842, [7342?], 9782, [9783?],.

Quod talis fides in altera vita pereat (Arcana Coelestia 2228, 5820).

Quum pro principio ponitur sola fides, quod vera contaminentur falso principii (Arcana Coelestia 2433, [2435?],).

Quod nec persuaderi se patiantur, quia contra principium (Arcana Coelestia 2385).

Quod doctrinalia de sola fide destruant charitatem (Arcana Coelestia 6353, 8094).

Quod illi qui fidem separant a charitate, repraesentati sint per Cainum, per Chamum, per Reubenem, per Aegyptiorum primogenitos, et per Philisthaeos (Arcana Coelestia 3325, 7097, 7317, 8093).

Qui solam fidem salvificam faciunt, quod vitam mali excusent; et quod illis qui in vita mali sunt, sit nulla fides quia non charitas (Arcana Coelestia 3865, 7766, 7778, 7790, 7950, 8094).

Quod illi intus in falsis sui mali sint, tametsi hoc non sciunt (Arcana Coelestia 7790, 7950).

Quod ideo illis non possit conjungi bonum (Arcana Coelestia 8981, 8983).

Quod etiam in altera vita sint contra bonum, et contra illos qui in bono sunt (Arcana Coelestia 7097, 7127, 7317, 7502, 7945, [7545?], 8096, 8313).

Quod simplices corde, et usque sapientes, sciant quid bonum vitae, ita quid charitas, et non quid fides separata (Arcana Coelestia 4741, 4754).

Quod omnia ecclesiae se referant ad bonum et verum, ita ad charitatem et fidem (Arcana Coelestia 7752-7754).

Quod non prius ecclesia sit apud hominem quam cum vera implantata sunt vitae, et sic facta bonum charitatis (Arcana Coelestia 3310).

Quod charitas faciat ecclesiam, et non fides separata a charitate (Arcana Coelestia 809, 916, 1798, 1799, 1894, [1834?], 184).

Quod internum ecclesiae sit charitas (Arcana Coelestia 1899, [1799?], 775).

Inde quod non ecclesia sit ubi non charitas (Arcana Coelestia 4766, 5826).

Quod una ecclesia foret si spectarentur omnes ex charitate, tametsi quoad doctrinalia fidei, et quoad cultus ritualia, differrent (Arcana Coelestia 1286, [1285?], 1316, 1798, 1799, 1834, 1844, 2385, 2982, 3267, 3451).

Quantum boni in ecclesia, si charitas spectaretur primo loco, et fides secundo (Arcana Coelestia 6269, 6272).

Quod omnis ecclesia incipiat a charitate, sed quod temporis successu deflectat ad fidem, et tandem ad solam fidem (Arcana Coelestia 1834, 1835, 2231, 4683, 8094).

Quod nulla fides ultimo tempore ecclesiae sit, quia nulla charitas (Arcana Coelestia 1843).

Quod cultus Domini consistat in vita charitatis (Arcana Coelestia 8254, 8256).

Quod quale cultus sit secundum quale charitatis (Arcana Coelestia 2190).

Quod externae ecclesiae homines internum habeant, si sint in charitate (Arcana Coelestia 1100, 1102, 1151, 1153).

Quod doctrina in antiquis ecclesiis fuerit doctrina vitae, quae est doctrina charitatis, et non doctrina fidei separatae (Arcana Coelestia 2385, 2417, 3419, 3420, 4844, 6628, 7259-7262).

Quod Dominus inseminet et implantet verum bono charitatis, cum regenerat hominem (Arcana Coelestia 2663, [2063?], 2189, 3310).

Quod aliter semen, quod est verum fidei, non radicem agere possit (880).

Quod bona et vera dein crescant secundum charitatis receptae quale et quantum (Arcana Coelestia 1016).

Quod lumen regenerati non sit ex fide, sed ex charitate per fidem (Arcana Coelestia 854).

Quod vera fidei, cum regeneratur homo, intrent cum jucundo affectionis, quia amat facere illa, et quod reproducantur cum eadem affectione, qua cohaerent (, 2487, 3040, 3066, 3074, 3336, 4018, 5893).

Quod qui in amore in Dominum, et in charitate erga proximum, vivunt, nihil perdant in aeternum, quia conjuncti Domino; aliter qui in fide separata (Arcana Coelestia 7506, 7507).

Quod homo talis maneat qualis ejus vita charitatis, non qualis ejus fides separata (Arcana Coelestia 8256).

Qui in charitate vixerunt, quod eorum omnes status jucundi redeant in altera vita, ac immensum augeantur (Arcana Coelestia 823).

Quod beatitudo caelestis influat a Domino in charitatem, quia in ipsam vitam hominis, et non in fidem absque charitate (Arcana Coelestia 2363).

Quod in caelo spectentur omnes ex charitate, et nullus ex fide separata (Arcana Coelestia 1258, 1394).

Quod etiam omnes in caelis consocientur secundum amores (Arcana Coelestia 7085).

Quod nemo in caelum admittatur per cogitare, sed per velle bonum (Arcana Coelestia 2401, 3459).

Nisi facere bonum sit conjunctum cum velle bonum et cum cogitare bonum, quod nulla salvatio, nec conjunctio hominis interni cum externo (Arcana Coelestia 3987).

Quod Dominus, et quod fides in Ipsum, non ab aliis recipiatur in altera vita, quam ab illis qui in charitate sunt (Arcana Coelestia 2340, [2343?],).

Quod bonum in perpetuo desiderio et inde conatu sit se conjungendi cum veris, ita charitas cum fide (Arcana Coelestia 9206, 9207, 9495). Quod bonum charitatis agnoscat suum verum fidei, ac verum fidei suum bonum charitatis (Arcana Coelestia 2429, 3101, 3102, 3161, 3179, 3180, 4358, 5407, [5807?], 5835, 9637).

Quod inde conjunctio veri fidei et boni charitatis (de qua, Arcana Coelestia 3834, 4096, 4097, 4301, 4345, 4353, 4364, 4368, 5365, 7623-7627, 7752-7762, 8530, 9258, 10555).

Quod conjunctio illorum sit instar conjugii (Arcana Coelestia 1094 (1904, 2173, 2053, [2508?],.

Quod lex conjugii sit quod duo unum sint, secundum Verbum Domini (Arcana Coelestia 10130, 10168, 10169).

Ita fides et charitas (Arcana Coelestia 1094, 2173, 2503).

Quod ideo fides quae fides quoad essentiam suam sit charitas (Arcana Coelestia 2228, 2839, 3180, 9783).

Quod sicut bonum est esse rei, ac verum existere inde ita ¹ charitas sit esse ecclesiae, ac fides existere inde (Arcana Coelestia 3049, 3180, 4574, 5002, 9144, [9145?],).

Quod verum fidei vivat ex bono charitatis, ita quod vita secundum vera fidei sit charitas (Arcana Coelestia 1589, 1947, 2579, [2571?], 4070, 4096, 4097, 4736, 4757, 4884, 5147, 5928, 9154, 9667, 9841, 10729).

Quod fides non dari queat nisi in charitate; si non in charitate quod in fide non sit bonum (Arcana Coelestia 2261, 4368).

Quod fides non vivat apud hominem, cum modo scit et cogitat illa quae fidei sunt, sed cum vult illa et ex velle facit illa (Arcana Coelestia 9224).

Quod nulla salvatio sit per fidem, sed per vitam secundum vera fidei, quae vita est charitas (Arcana Coelestia 379, 389, 2228, 4663, 4721).

Quod salventur qui ex doctrina ecclesiae cogitant quod sola fides salvet, si justum faciunt propter justum, et bonum propter bonum, nam sic usque in charitate sunt (Arcana Coelestia 2442, 3242, 3459, 3463, 7506, 7507).

Si solum fides cogitativa salvaret, quod omnes salvarentur (Arcana Coelestia 2364, [2361?], 1065).

Quod charitas faciat caelum apud hominem, et non fides absque illa (Arcana Coelestia 3513, 3584, 3815, 9832, 10714, 10715, 10721, 10724).

Quod spectentur omnes ex charitate in caelo, et non ex fide (Arcana Coelestia 1258, 1394, 2364, [2361?], 480).

Quod conjunctio Domini cum homine non sit per fidem, sed per vitam secundum vera quae fidei sunt (Arcana Coelestia 9380, 10143, 10153, 10310, 10578, 10645, 10648).

Quod Dominus sit arbor vitae, bona charitatis fructus, et fides folia (Arcana Coelestia 3427, 9337).

Quod fides sit "luminare minus," et amor "luminare majus" (Arcana Coelestia 30-38).

Quod angeli ex regno caelesti Domini non sciant quid fides, usque adeo ut ne quidem nominent illam; at quod angeli ex regno spirituali Domini loquantur de fide, quia ratiocinantur de veris (Arcana Coelestia 202, 203, 337, 2215, [2715?], 3246, 4448, 9166, 10786).

Quod angeli in regno caelesti Domini dicant modo, Ita ita, vel Non non; at quod angeli e regno spirituali Domini ratiocinentur num ita sit vel non ita, quando sermo est de veris spiritualibus, quae sunt fidei (Arcana Coelestia 2715, 3246, 4448, 9166, 10786, ubi explicantur Domini verba,

"Esto sermo vester, Ita ita, Non non; quod ultra haec est ex malo est" (Matthaeus 5:37):

Quod angeli caelestes tales sint, est quia vera fidei statim in vitam immittunt, et non sicut angeli spirituales prius in memoriam; et quod angeli caelestes inde in perceptione omnium quae fidei sint (Arcana Coelestia 202, 585, 597, 607, 784, 1121, 1387, 1398, 1442, 1919, 5113, 5897, 6367, 7680, 7877, 8521, 8780, 9935, [9936?], 9995, 10124).

Quod fiducia seu confidentia, quae in eminenti sensu vocatur fides salvans, non detur nisi quam apud illos qui in bono sunt quoad vitam, ita apud illos qui in charitate (Arcana Coelestia 2982, 4352, 4683, 4689, 7762, 8240, 9239-9245).

Quod pauci sciant quid confidentia illa (Arcana Coelestia 3868, 4352).

Quae differentia est inter credere illa quae a Deo, et credere in Deum (Arcana Coelestia 9239, 9243).

Quod aliud sit scire, aliud agnoscere, et aliud fidem habere (Arcana Coelestia 896, 4319, 5664(1/2)).

Quod sint scientifica fidei, rationalia fidei, et spiritualia fidei (Arcana Coelestia 2504, 8076, [8078?],).

Quod primum sit agnitio Domini (Arcana Coelestia 10083).

Quod omne id sit bonum, quod influit a Domino apud hominem (Arcana Coelestia 1614, 2016, 2751, 2882, 2883, 2891, 2892, 2904, 6193, 7643, 9128).

Quod detur fides persuasiva, quae usque non est fides (Arcana Coelestia 2340, [2343?], 2682, 2689, 3417, [3427?], 3865, 8148).

Quod ex variis ratiociniis appareat sicut fides sit prior charitate, sed quod sit fallacia (Arcana Coelestia 3324).

Quod ex solo lumine rationis sciri possit quod bonum sit primo loco, ita charitas, et verum secundo, ita fides (Arcana Coelestia 6273).

Quod bonum, ita charitas, sit actualiter primo loco, seu primum ecclesiae, ac verum, ita fides, secundo loco, seu secundum ecclesiae, tametsi aliter apparet (Arcana Coelestia 3324, 3325, 3330, 3336, 3494, 3589, [3539?], 3548, 3556, 3570, 3576, 3603, 3701, 3995, 4337, 4610, [4601?], 4925, 4926, 4928, 4930, 5351, 6256, 6269, 6272, 6273, 8042, 8080, 10110).

Quod apud antiquos etiam disceptatum fuerit de primo seu primogenito ecclesiae, num sit fides vel num charitas (Arcana Coelestia 367, 2435, 3324).

Footnotes:

9936. ‘Et erit super fronte Aharonis’: quod significet ex Divino Amore Domini, constat ex repraesentatione ‘Aharonis’ quod sit Dominus quoad Divinum Bonum, quod est Bonum Divini Amoris Ipsius, de qua n. 9806, et ex significatione ‘frontis’ cum de Domino, quod sit Divinus Ipsius Amor; per ‘faciem’ enim ‘Domini’, seu quod idem, per ‘faciem Jehovae’, significantur omnia quae sunt Divini Amoris, sicut misericordia, pax, bonum, sapientia, n. 222, 223, 5585, 6848, 6849, 9306, 9545, 9546; quod ‘facies Jehovae’ seu ‘facies Domini’ illa ¹ significet, est quia per ‘faciem’ in genere significantur interiora hominis, quae sunt ejus affectiones et inde cogitationes, ita quae sunt ejus amoris et fidei, videantur citata n. 9546; quod illa significentur per ‘facies’, est quia illa ex facie elucent, sicut in suo typo ² aut in sua effigie, quapropter etiam facies vocatur effigies animi; inde est quod per ‘faciem’ cum de Jehovah seu Domino, significentur illa quae sunt Divini Ipsius Amoris; quod per ‘frontem’ in specie significetur ipse Divinus Amor, est quia interiora suas provincias sortita sunt in facie, interiora quae sunt ³ amoris in provincia frontis, quae sunt sapientiae et intelligentiae in provincia oculorum, quae sunt perceptionis in provincia narium, quae sunt enuntiationis in provincia oris ⁴ ; inde patet cur per ‘frontem’ cum de Domino, Qui repraesentatur per Aharonem, significetur Divinus Amor.

[2] Quia frons apud hominem correspondet amori ejus, ⁵ ideo qui in amore caelesti sunt, hoc est, in amore in Dominum a Domino, dicuntur ‘signum ⁶ habere in frontibus’, per quod significatur quod in tutela Domini ⁷ sint quia in Amore Ipsius, ut apud Ezechielem,

Dixit Jehovah, Transi per medium Hierosolymae, et signa signum super frontibus virorum gementium et suspirantium super omnibus abominationibus factis in medio ejus, et percutite, ne parcat oculus vester: sed contra ullum virum, super quo signum, ne appropinquate, 9:4, [5, ] 6:

apud Johannem in Apocalypsi, Ecce Agnus stans super monte Zionis, et cum Ipso centum quadraginta quattuor milia, habentia nomen Patris Ipsius scriptum super frontibus suis, 14:1:

apud eundem ibi,

⁸ Videbunt facies Dei et Agni, et nomen Ipsius in frontibus illorum, 22:4:

[3] apud eundem ibi,

Dictum, ut damno non afficerent gramen terrae, neque ullum virens, neque ullam arborem, sed homines solos qui non haberent signum Dei super frontibus suis, 9:4;

‘habere signum Dei et nomen Dei et Agni super frontibus suis’ pro in tuto esse ab infestatione malorum quae ab inferno, quia in Domino per amorem ⁹ , ‘gramen et virens, quod non damno afficeretur’ pro vero scientifico per quod verum fidei, n. 7571, 7691, ‘arbor, quae nec damno afficeretur’ pro perceptione veri ex bono, n. 103, 2163, 2722, 2972, 4552, 7692:

[4] apud Moschen,

Amabis Jehovam Deum tuum ex toto corde tuo, et ex tota anima tua, et ex omnibus viribus tuis: alligabis verba illa in signum super manum tuam, et sint in frontalia inter oculos tuos, Deut. 6:4, 5, 8; ¹⁰ ‘in frontalia’ pro in signum amoris in Jehovam Deum; ‘inter oculos’ dicitur, quia ‘oculi’ significant intelligentiam et sapientiam quae ex illo amore, ¹¹ et sapientia ex illo amore est Deum continue ante oculos habere; quod ita sit, patet, quia agitur de amore in Jehovam Deum; dicitur ¹² quod Ipsum amarent ex toto corde, ex tota anima, et ex omnibus viribus, per quod significatur quod ex omnibus apud hominem; ‘ex corde’ est ex voluntate ubi bonum amoris, n. 7542, 9050, 9300, ¹³ 9495, ‘ex anima’ est ex intellectu ubi verum fidei, ita ex fide, n. 9050, quae bina sunt interni hominis, ‘ex omnibus viribus’ est ex illis quae sunt ¹⁴ intellectus et voluntatis in externo homine; vires et potentia amoris utriusque hominis, externi et interni, significantur per ‘manus’, n. 4931-4937, 7518, ideo dicitur quod verba illa alligarentur ‘in signum super manum’.

[5] Quia ‘frons’ ex correspondentia significat amorem caelestem apud bonos, ita apud malos significat amorem infernalem, qui est oppositus caelesti; horum frons dicitur frons aenea apud Esai. 48:4, et frons obfirmata apud Ezech. 3:7, 8; ¹⁵ et de illis qui in amore infernali sunt, dicitur quod haberent characterem bestiae super frontibus, Apoc. 13:16, 14:9, 20:4, et quoque nomen Babylonis super ¹⁶ frontibus, Apoc. 17:5.

Footnotes: