188. Angeli, ex quibus regnum caeleste Domini, habitant ut plurimum in editioribus locis, quae apparent sicut montes ex humo: angeli, ex quibus regnum spirituale Domini, habitant in minus editis locis, quae apparent sicut colles: angeli autem, qui in infimis caeli, habitant in locis quae apparent sicut petrae ex saxis. Haec quoque existunt ex correspondentia nam interiora correspondent superioribus, et exteriora inferioribus. ¹ Ex eo est, quod "montes" in Verbo significent amorem caelestem, "colles" amorem spiritualem, et "petrae" fidem. ²

Footnotes:

8153. ‘Et filii Israelis exeuntes manu excelsa’: quod significet cum tamen exempti ab eorum subjugationis conatu [ex] potentia Divina, constat ex repraesentatione ‘filiorum Israelis’ quod sint qui ab Ecclesia spirituali, seu in fide conjuncta charitati, ut nunc supra n. 8152; ex significatione ‘exire’ quod sit liberari, seu eximi a conatu subjugationis illorum; qui conatus significatur per ¹ persequi, n. 8152; et ex significatione ‘manus excelsae’ quod sit potentia Divina; per ‘manum’ enim significatur potentia, n. 878, 3387, 4931-4937, 5327, 5328, 5544, 6292, 6947, 7011, 7188, 7189, 7518, 7673, 8050, 8069, et per ‘excelsum’ significatur Divinum; quod ‘excelsum’ sit Divinum, est quia per illud intelligitur caelum ubi Divinum; inde in Verbo de Jehovah seu Domino dicitur quod ‘habitet in excelso’, et ² Ipse vocatur ‘Altissimus’, ut apud Esaiam,

Exaltatus ³ Jehovah, quia inhabitat excelsum, Esai. 33:[5]:

apud eundem,

Sic dixit altus et Excelsus, habitans in aeternum, et Cujus nomen Sanctus, In sancto et alto habito, 57:15:

apud Davidem,

Jehovah misit de alto, et eripuit me, Ps. 18:17 [KJV Ps. 18:16]:

⁴ inde Jehovah vocatur Altissimus, Deut. 32:8 ⁵ ; Dan. 4:14, 21, 31 [KJV 17, 24, 34] 7:18, 22, 25; Ps. 7:18 [KJV Ps. 7:17]; Ps. 9:3 [KJV Ps. 9:2]; Ps. 18:14 [KJV Ps. 18:13]; Ps. 46:5 [KJV Ps. 46:4]; Ps. 50:14; Ps. 57:3 [KJV Ps. 57:2]; Ps. 82:6. Quia ‘altum’ significabat caelum, ac inibi Divinum, ⁶ inde cultus Divinus ab illis qui ab Ecclesia repraesentativa instituebatur super montibus ac super locis altis; ac ideo quoque in excelsis quae sibi etiam aedificabant, de quibus passim in Historicis et Propheticis Verbi, ⁷ ut apud Ezechielem,

Aedificasti tibi excelsum, et fecisti tibi altum in omni platea; super omni capite viae aedificasti excelsum tuum, 16:24, 25, 31.

Quod Divinum significatum sit per ‘altum’, ⁸ est quia per caelum stelliferum significatum est caelum angelicum, et ⁹ etiam creditum quod ibi esset; sed sapientiores illorum sciebant quod caelum non ¹⁰ esset in alto sed ubi bonum amoris, et hoc intus in ¹¹ homine, ubicumque is ¹² esset; quod ‘alta’ sint interiora, seu bona quae ibi, videatur n. 450, 1735, 2148, 4210, 4599.

Footnotes: