694. (Vere. 10.) "Et quintus Angelus effudit phialam suam super thronum Bestiae," significat influxum a Domino in fidem illorum.-Per quod "Angelus effuderit phialam suam" significatur, hic ut prius, influxus: et per "thronum Bestiae significatur ubi sola Fides regnat; per "thronum" significatur regnum, et per "Bestiam" sola Fides (567, 576, 577, 594, 601, 660). Quod "thronus" etiam dicatur de regimine mali et falsi, patet ex his:

"Draco dedit Bestiae virtutem suam et Thronum suum, et potestatem magnam," (Apocalypsis 13:2);

"Novi opera tua, et ubi habitas, ubi Thronus Satanae est," (Apocalypsis 2:13);

"Videns fui usque dum Throni projecti sunt, et Antiquus Dierum sedit," (Daniel 7:9); ¹

"Evertam Thronum regnorum, et robur regnorum gentium," (Haggaeus 2:22);

Dixit Lucifer "Super stellas exaltabo Thronum meum," (Esaias 14:13). (Et alibi.)

Footnotes:

577. "Et plaga mortis ejus sanata est," significat medelam capitis illius doctrinae per haec, quod nemo possit facere bonum opus a se, ac implere Legem; et quod propterea provisum sit loco "ejus aliud medium salutis, quod est Fides in justitiam et meritum Christi, Qui passus est pro homine, et per id damnationem Legis sustulit. - Quod haec medela "capitis sauciati" sit, et quoque data, dum per "caput sauciatum" intelligitur id quod praecedit (576), notum est; quare non opus est ut ulterius explicetur.