390. (Vere. 2.) "Et vidi septem Angelos qui coram Deo steterunt," significat universum Caelum spirituale in praesentia Domini, audiens et faciens quae praeciperet. Quod per "septem Angelos" significetur universum Caelum, est quia per "septem" significantur omnes seu omnia, et inde totum et universum (10); ac per "Angelos" in supremo Sensu Dominus, et in sensu respectivo Caelum (5, 65, 342, 344), ¹ hic Caelum spirituale, ut constare potest ex supra dictis (387, 388); quod "stare coram Deo" significet audire et facere quae praecipit, videatur supra (366).

Footnotes:

366. "Stantes coram Throno et coram Agno," significat audientes Dominum et facientes quae praecipit. - Per "stare coram Deo" significatur audire et facere quae praecipit, sicut qui stat coram Rege: hoc significatur per "stare coram Deo" etiam alibi in Verbo; ut,

Angelus dixit Sachariae, "Sum Gabriel, Stans coram Deo," (Luca 1:19);

"Non excidetur vir Stans coram Me omnibus diebus," (Jeremias 35:19);

"Hi sunt duo filii oleae Stantes coram Domino totius terrae," (Sacharias 4:14);

"Separavit tribum Levi ad Standum coram Jehovah," (Deuteronomius 10:8).

(Et alibi.)