270. "Habentem cornua septem" significat Ipsius Omnipotentiam. Saepius in Verbo nominatur "cornu," et per id ubivis significatur potentia; quare ubi "cornu" dicitur de Domino, significatur Omnipotentia: quod "cornua septem" dicantur, est quia "septem" significant omne (10), ita Omnipotentiam. Quod "cornu" significet potentiam, et cum de Domino, Omnipotentiam, constare potest a sequentibus locis:

"Qui laetantur super non re, qui dicunt, Nonne per fortitudinem nostram sumpsimus nos Cornua," (Amos 6:13);

Dixi impiis, Ne attollite Cornu, ne attollite in altum Cornu vestrum, omnia Cornua impiorum amputabo; exaltabuntur Cornua justi," (Psalm. 75:5-6, 11 (B.A. 4-5, 10));

"Jehovah exaltavit Cornu inimicorum tuorum," (Threni 2:17); ¹

"Excisum est Cornu Moabi, et brachium ejus fractum est," (Jeremias 48:25);

"Latere et humero impellitis, et Cornibus vestris feritis omnes oves infirmas," (Ezechiel 34:21);

"Jehovah exaltavit Cornu populi Sui," (Psalm. 148:14);

"Jehovah Deus Zebaoth, Decus fortitudinis eorum ² exaltavit Cornu nostrum," (Psalm. 89:18 (B.A. 17));

"Splendor Jehovae Dei sicut Lux erit, Cornua e manu Ipsius Ipsi, et ibi occultatio roboris Ipsius," (Habakuk 3:4);

"Brachium Meum corroborabit Davidem, et in Nomine Meo exaltabitur Cornu ejus," (Psalm. 89:22, 25 (B.A. 21, 24)); ³

"Jehovah robur meum, petra mea, Cornu meum," (Psalm. 18:2; ⁴ 2 Samuelis 22:3);

"Surge filia Sionis, quia Cornu tuum faciam ferrum, ut comminuas populos multos," (Micham 4:13);

"Dominus ⁵ destruxit in excandescentia Sua munimentum filiae Jehudae, et abscidit omne Cornu Israelis," (Threni 2:(2,) 3).

Potentiae etiam significantur Per Cornua draconis, (Apocalypsis 12:3);

Per Cornua bestiae ascendentis ex mari, (Apocalypsis 13:1);

Per Cornua bestiae coccineae, super qua mulier sedit, (Apocalypsis 17:3, 7, 12); ⁶ Per Cornua arietis et hirci, (Daniel 8:3-4, 5, 7-12, 21, 25);

Per Cornua bestiae ascendentis ex mari, (Daniel 7:3, 7-8, 20-21, 23-24);

Per quatuor Cornua, quae disperserunt Jehudam et Israelem, (Sacharias 2:1-4 (B.A. 1:18-21));

Per Cornua Altarium, holocausti et suffitus, (Exodus 27:2; 30:2-3, 10);

per haec significabatur potentia Divini Veri in Ecclesia: ac vicissim quod potentia peritura sit per "Cornua Altarium in Bethele," apud Amos:

"Visitabo super praevaricationes Israelis, visitabo super Altaria Bethelis, ut exscindantur Cornua Altaris, et cadant in terram," (3:14).

Footnotes:

10. (Vers. 4.) "Johannes septem Ecclesiis," significat ad omnes qui in Christiano Orbe sunt, ubi Verbum, et per id Dominus notus est, et accedunt ad Ecclesiam. - Per "septem Ecclesias" non intelliguntur Septem Ecclesiae, sed omnes qui ab Ecclesia in Christiano Orbe sunt; nam numeri in Verbo significant res, ac "septem" omnia et omnes, et inde etiam plenum et perfectum, et dicuntur in Verbo ubi agitur de re sancta, et in opposito sensu de re prophana; quare ille numerus involvit Sanctum, et in opposito Sensu prophanum. Quod numeri significent res, vel potius quod sint sicut quaedam adjectiva ad substantiva afferentes aliquod quale rebus, est quia numerus in se est naturalis, naturalia enim determinantur per numeros, spiritualia autem per res et earum status; quare qui non scit significationem numerorum in Verbo, et imprimis in Apocalypsi, non scire potest multa arcana, quae inibi continentur. Nunc quia per "Septem" significantur omnia et omnes, patet quod per "septem Ecclesias" intelligantur omnes qui in Christiano Orbe sunt, ubi Verbum est, et per id Dominus notus est; hi, si vivunt secundum praecepta Domini in Verbo, faciunt ipsam Ecclesiam.

[2] Inde est quod Sabbathum Die Septimo institutum sit, et quod Septimus Annus dictus fuerit Annus Sabbatharius, et quod Septies Septimus Annus Jubilaeum; per quae significabatur omne Sanctum in Ecclesia: inde etiam est, quod Septimana, apud Danielem et alibi, significet integram periodum a principio ad finem, et praedicetur de Ecclesia. Similia per Septem significantur in sequentibus; ut,

Per "Septem Candelabra aurea, in quorum medio Filius Hominis," (Apocalypsis 1:13);

Per "Septem Stellas in dextra Ipsius," (Apocalypsis 1:16, 20);

Per "Septem Spiritus Dei," (Apocalypsis 1:4; 4:5);

Per "Septem Lampades ignis," (Apocalypsis 4:5);

Per "Septem Angelos," quibus datae sunt "Septem Tubae," (Apocalypsis 8:2);

Per "Septem Angelos habentes Septem Plagas ultimas," (Apocalypsis 15:5-6)

Per "Septem Phialas plenas Septem Plagis ultimis," (Apocalypsis 16:1; 21:9);

Per "Septem Sigilla" quibus Liber obsignatus est, (Apocalypsis 5:1);

similiter in sequentibus his:

Quod Septem diebus implerentur manus, (Exodus 29:35);

Quod Septem diebus sanctificarentur, (Exodus 29:37);

Quod cum inaugurabantur Septem diebus incederent induti vestibus sanctitatis, (Exodus 29:30);

Quod Septem diebus non recederent a Tentorio, cum initiabantur in sacerdotium, (Leviticus 8:33, 35; ¹

Quod Altare Septies expiaretur super cornua, (Leviticus 16:18-19);

Quod Altare per oleum Septem vicibus sanctificaretur, (Leviticus 8:11);

Quod sanguis Septem vicibus spargeretur versus velum, (Leviticus 4:16-17);

Et quoque Septem vicibus versus orientem, (Leviticus 16:12-15);

Quod qua separationis Septem vicibus spargeretur versus tentorium, (Numeri 19:4);

Quod Pascha Septem diebus celebraretur; et Septem diebus comederetur azyma, (Exodus 12:1, seq. (vers. 15); Deuteronomius 16:4-7);

pariter,

Quod Judaei punirentur septuplum propter peccata eorum, (Leviticus 26:18, 21, 24, 28); ²

quare David dicit,

"Retribue vicinis septuplum in sinum eorum," (Psalm. 79:12); ³

"septuplum" est plene.

[3] Tum in his locis:

"Sermones Jehovae sermones puri, argentum in camino purificatum Septies," (Psalm. 12:7 (B.A. 6));

"Famelici cessarunt, usque dum sterilis peperit Septem, multiprolis autem defecit," (1 Samuelis 2:5);

"sterilis" est Ecclesia ex gentibus, quibus non fuit Verbum; "multiprolis" est Ecclesia ex Judaeis, quibus fuit Verbum.

"Elanguescet quae pepererat Septem, exspirabit animam suam," (Jeremias 15:9); ⁴ similiter.

"Habitatores urbium Israelis incendent et comburent arma, et accendent illis ignem Septem annis: sepelient Gogum, et mundabunt terram Septem mensibus," (Ezechiel 39:9, (11,) 12);

"Immundus spiritus accipiet Septem spiritus alios pejores se ipso," (Matthaeus 12:45);

describitur ibi prophanatio, et per "septem Spiritus" cum quibus rediturus est, significantur omnia falsa mali, ita plenaria exstinctio boni et veri. Per "Septem capita draconis," et per "Septem diademata super capitibus," (Apocalypsis 12:3),

significatur prophanatio omnis boni et veri. Ex his patet, quod "Septem" involvant sanctum aut prophanum, ac significent omnia et plenum.

Footnotes: