New Christian Bible Study

The Bible

 

Ezechiel 47

Study

   

1 Et convertit me ad portam domus, et ecce aquæ egrediebantur subter limen domus ad orientem : facies enim domus respiciebat ad orientem, aquæ autem descendebant in latus templi dextrum, ad meridiem altaris.

2 Et eduxit me per viam portæ aquilonis, et convertit me ad viam foras portam exteriorem, viam quæ respiciebat ad orientem : et ecce aquæ redundantes a latere dextro.

3 Cum egrederetur vir ad orientem, qui habebat funiculum in manu sua, et mensus est mille cubitos, et traduxit me per aquam usque ad talos.

4 Rursumque mensus est mille, et traduxit me per aquam usque ad genua.

5 Et mensus est mille, et traduxit me per aquam usque ad renes. Et mensus est mille, torrentem quem non potui pertransire, quoniam intumuerant aquæ profundi torrentis, qui non potest transvadari.

6 Et dixit ad me : Certe vidisti, fili hominis. Et eduxit me, et convertit ad ripam torrentis.

7 Cumque me convertissem, ecce in ripa torrentis ligna multa nimis ex utraque parte.

8 Et ait ad me : Aquæ istæ quæ egrediuntur ad tumulos sabuli orientalis, et descendunt ad plana deserti, intrabunt mare et exibunt : et sanabuntur aquæ.

9 Et omnis anima vivens, quæ serpit quocumque venerit torrens, vivet : et erunt pisces multi satis, postquam venerint illuc aquæ istæ : et sanabuntur et vivent omnia ad quæ venerit torrens.

10 Et stabunt super illas piscatores, ab Engaddi usque ad Engallim siccatio sagenarum erit : plurimæ species erunt piscium ejus, sicut pisces maris magni, multitudinis nimiæ.

11 In littoribus autem ejus, et in palustribus, non sanabuntur, quia in salinas dabuntur.

12 Et super torrentem orietur in ripis ejus, ex utraque parte, omne lignum pomiferum : non defluet folium ex eo, et non deficiet fructus ejus : per singulos menses afferet primitiva, quia aquæ ejus de sanctuario egredientur : et erunt fructus ejus in cibum, et folia ejus ad medicinam.

13 Hæc dicit Dominus Deus : Hic est terminus in quo possidebitis terram in duodecim tribubus Israël : quia Joseph duplicem funiculum habet.

14 Possidebitis autem eam singuli æque ut frater suus, super quam levavi manum meam ut darem patribus vestris : et cadet terra hæc vobis in possessionem.

15 Hic est autem terminus terræ : ad plagam septentrionalem, a mari magno via Hethalon, venientibus Sedada,

16 Emath, Berotha, Sabarim, quæ est inter terminum Damasci et confinium Emath, domus Tichon, quæ est juxta terminum Auran.

17 Et erit terminus a mari usque ad atrium Enon, terminus Damasci : et ab aquilone ad aquilonem, terminus Emath plaga septentrionalis.

18 Porro plaga orientalis de medio Auran, et de medio Damasci, et de medio Galaad, et de medio terræ Israël, Jordanis disterminans ad mare orientale. Metiemini etiam plagam orientalem.

19 Plaga autem australis meridiana, a Thamar usque ad aquas contradictionis Cades, et torrens usque ad mare magnum : et hæc est plaga ad meridiem australis.

20 Et plaga maris, mare magnum a confinio per directum, donec venias Emath : hæc est plaga maris.

21 Et dividetis terram istam vobis per tribus Israël :

22 et mittetis eam in hæreditatem vobis, et advenis qui accesserint ad vos, qui genuerint filios in medio vestrum : et erunt vobis sicut indigenæ inter filios Israël : vobiscum divident possessionem in medio tribuum Israël.

23 In tribu autem quacumque fuerit advena, ibi dabitis possessionem illi, ait Dominus Deus.

   

From Swedenborg's Works

 

Arcana Coelestia #9338

Study this Passage

  
/ 10837  
  

9338. ‘Et heredites terram’: quod significet dum in bono, ita regeneratus, constat ex significatione ‘hereditare’ quod sit sicut heres accipere, de qua sequitur, et ex significatione ‘terrae’, hic terrae Canaanis, quod sit regnum Domini, ita caelum, de qua n. 1413, 1437, 1607, 1 1866, 3038, 3481, 3705, 3686, 4240, 4447; inde per ‘hereditare terram’ significatur recipere sicut heres caelum; per ‘heredem’ cum de caelo, proprie intelligitur homo qui vitam Domini habet, n. 2658, 2851, 3672, 2 7212, ita qui in bono est a Domino, 3 proinde regeneratus; quod homo cum in bono est a Domino, tunc in caelo sit, ita regeneratus, videatur n. 9274, et quae ibi citata 4 .

[2] Quod id per ‘hereditare’ cum de caelo, significetur, patet apud Matthaeum, Tunc dicet Rex iis qui ea dextris, Venite, benedicti Patris Mei, ut hereditatem possidete paratum vobis regnum e fundatione mundi; quia esurivi et dedistis Mihi quod ederem, sitivi et potastis Me: in quantum 5 fecistis uni ex his fratribus Meis minimis, Mihi fecistis, 25:34, 35, 40; hic ‘ 6 ut hereditatem possidere regnum Domini seu caelum’ dicitur de illis qui in bono sunt; ipsa bona charitatis in suo ordine etiam recensentur; et tandem dicitur ‘quantum fecistis uni ex his fratribus Meis minimis, Mihi fecistis’; ‘fratres Domini’ dicuntur qui in bono, n. 6756, ita quoque qui bonum faciunt, quia bonum est Dominus apud hominem; ideo dicitur, ‘quantum fecistis uni ex his fratribus’, non autem uni ex fratribus:

[3] in Apocalypsi,

Qui vicerit hereditario accipiet omnia, et ero illi Deus, et ille erit Mihi filius, 21:7;

ibi de illis qui vincunt 7 , dicitur quod ‘hereditario accipient 8 omnia’, et dicuntur ‘filii’ quia heredes 9 ; ‘vincere’ est ex bono et vero pugnare, nam per bonum vincitur malum, et per verum falsum:

[4] apud Davidem,

Deus salvabit Zionem, et aedificabit civitates Jehudae, et habitabunt ibi, et possidebunt hereditario eam, et semen servorum Ipsius hereditabunt eam, et amantes nomen Ipsius habitabunt in ea, Ps. 69:36, 37 [KJV Ps. 69:35, 36];

ibi ‘possidere hereditario’ praedicatur de illis qui in bono caelesti sunt, et ‘hereditare’ de illis qui in bono spirituali; bonum caeleste est bonum amoris in Dominum, et bonum spirituale est bonum charitatis erga proximum, n. 9277: 10 apud Esaiam,

Confidens in Me hereditabit terram, et possidebit hereditario montem sanctitatis Meae, 57:13.

[5] Ex his patet quid significatur 11 per quod terra Canaan distributa sit in 12 duodecim hereditates pro duodecim tribubus Israelis, 14-19, et 13 apud Ezech. 47:13-fin. , tum 48; 14 per ‘terram’ enim ‘Canaanem’ significatum est regnum Domini seu caelum, n. 1413, 1437, 1607, 15 1866, 3038, 3481, 3705, 3686, 4240, 4447 16 , per ‘duodecim tribus’ significata sunt omnia bona et vera in 17 communi et in particulari’, n. 3858, 3862, 3926, 3939, 4060, 6335, 6337, 6397, 6640; sic per ‘duodecim hereditates’ significatum est caelum cum omnibus caelis et societatibus ibi distinctis quoad bona amoris et inde vera fidei, n. 7836, 7891, 7996, ita in sensu abstracto ipsa bona quae a Domino, proinde quae sunt Dominus in caelo;

[6] caelum enim non est nisi quam Divinum Verum procedens a Divino Bono Domini 18 ; angeli ibi sunt recipientes veri in bono 19 , et quantum hoc recipiunt, tantum faciunt caelum; et quod arcanum est, Dominus non habitat apud angelum nisi in Suo apud illum, similiter apud hominem, Divinum enim erit in Divino, non in proprio alicujus; hoc intelligitur per Domini verba de unione Sui cum illis qui in bono amoris sunt, apud Johannem, In illa die cognoscetis vos quod Ego in Patre, et vos in Me, et Ego in vobis: qui amat Me verbum Meum servat, et ad illum veniemus, et mansionem apud illum faciemus, 14:20, 23: et alibi apud eundem,

Ego gloriam quam dedisti Mihi dedi illis, ut sint unum sicut Nos unum sumus, ut amor quo amasti Me in illis sit, et Ego in illis, 17:22, 26.

Footnotes:

1. The editors of the third Latin edition made a minor correction here. For details, see the end of the appropriate volume of that edition.

2. The editors of the third Latin edition made a minor correction here. For details, see the end of the appropriate volume of that edition.

3. The Manuscript places this before Arcana Coelestia 2658

4. regeneratus sit quando in bono est, videatur Arcana Coelestia n. [no references given]

5. The editors of the third Latin edition made a minor correction here. For details, see the end of the appropriate volume of that edition.

6. The following word or phrase appears in the first edition but not in the Manuscript.

7. illo qui vincit

8. accipiet

9. et quia haeres dicitur filius

10. The Manuscript inserts similiter.

11. significatum est

12. The editors of the third Latin edition made a minor correction here. For details, see the end of the appropriate volume of that edition.

13. similiter

14. The Manuscript inserts ibi, in the First Latin Edition and in the Second Latin Edition, but possibly ibid. intended

15. The editors of the third Latin edition made a minor correction here. For details, see the end of the appropriate volume of that edition.

16. de quo saepius supra

17. complexu

18. in quo bonum procedens a Domino

19. in quo bonum

  
/ 10837  
  

This is the Third Latin Edition, published by the Swedenborg Society, in London, between 1949 and 1973.

©2024 New Christian Bible Study Corporation. All rights reserved. Printed from newchristianbiblestudy.org