Arcana Coelestia #4097
4097. An amplius nobis portio et hereditas in domo patris per ‘Labanem’ significato, constat ex significatione ‘an amplius nobis portio et hereditas’ quod sit, num amplius aliqua conjunctio; et ex significatione ‘domus patris nostri’ quod sit bonum per ‘Labanem’ repraesentatum 1 ; ex his resultat quod per illa verba significetur status primus separationis illarum a bono per ‘Labanem’ significato: primus enim status est quod in dubio teneatur mens, alter status est quod dubium per rationes discutiatur; 2 tertius est affirmatio; ultimus est actus, ita bonum cum veris insinuat se ab intellectuali parte in voluntarium, ac appropriatur.
Fußnoten: