Arcana Coelestia #4102
4102. Vers. 17, 18. Et surrexit Jacob, et sustulit filios suos et feminas suas, super camelos. Et abduxit omnem acquisitionem suam, et omnem substantiam suam quam comparavit, acquisitionem emptionis suae, quam comparavit in Paddan Aram, ad veniendum ad Jishakum patrem suum terram Canaan. ‘Surrexit Jacob’ significat elevationem boni per Jacobum intellecti: ‘et sustulit filios suos, et feminas suas, super camelos’ significat elevationem veritatum et affectionum illarum et ordinationem in communibus: ‘et abduxit omnem acquisitionem suam, et omnem substantiam suam quam comparavit’ significat separationem 1 veri et boni a Labanis: ‘acquisitionem emptionis suae’ significat quae ab illis aliunde: ‘quam comparavit in Paddan Aram’ significat cognitiones veri et boni in naturali: ‘ad veniendum a Jishakum patrem suum terram Canaan’ significat ad conjungendum Divino Bono Rationalis, ut Humanum Divinum fieret.
Fußnoten:
1. The Manuscript has separationem, vero boni et bono per Labanem intellecto, but alters to read thus. N. 4105 inserts quae sunt after boni.
