Arcana Coelestia #10217
10217. ‘Quoad numeratos illorum’: quod significet quoad ordinationem et dispositionem, constat ex significatione 'numerare cum de omnibus Ecclesiae, quae sunt vera et bona fidei et amoris, quod sit ordinatio et dispositio eorum, inde numerati, sunt quae ordinata et disposita sunt; quod ‘numerare’ id significet, est quia numerare involvit lustrationem, et quod a Domino lustratur, hoc etiam ordinatur et disponitur; etiam vox qua exprimitur hic numerare, in lingua originali significat lustrare, censere, animadvertere, et quoque visitare, mandare, praeesse, ita ordinare et disponere; quod hae significationes isti voci sint, est quia unum involvit alterum in sensu spirituali, et sensus spiritualis est vocum sensus interior, qui pluries 1 inest vocibus linguarum, praecipue orientalium.
[2] Quod ‘numerare’ in sensu spirituali, in quo agitur de veris et bonis fidei et amoris, sit ordinare et disponere, constat etiam ex locis in Verbo, ubi ‘numerare’ dicitur, et quoque ubi ‘numerus’, ut apud Esaiam,
Vox tumultus regnorum gentium congregatarum, Jehovah Zebaoth numerans (ordinans) exercitum belli, 13:4:
apud eundem,
Tollite in altum oculos vestros, et videte quis creavit haec, qui eduxit in numerum exercitum eorum, omnes nomine vocat; de multitudine potentium et fortium robore vir non 2 deest, 40:26:
apud Davidem,
Jehovah Qui numerat 3 numerum stellarum, omnes nominibus vocat, Ps. 147:4 4 ;
quod per ‘numerare’ 5 in his locis significetur ordinare et disponere, patet, nam agitur de Jehovah, hoc est, Domino, Qui non numerat aliquem exercitum nec stellas, sed ordinat et disponit illa quae per 6 exercitum et per stellas significantur, quae sunt vera et bona fidei et amoris, non enim agitur 7 de bellis in mundo naturali sed de bellis in 8 mundo spirituali, quae sunt bella 9 seu pugnae verorum ex bono contra falsa ex malo; 10 quod ‘bella’ in spirituali sensu sint tales pugnae, videatur n. 1664, 2686, 8273, 8295, quod ‘exercitus’ 11 sit vera et bona Ecclesiae et caeli, 12 n. 7988, 8019, et quod ‘stellae’ sint cognitiones veri et boni, n. 2495, 2849, 4697.
[3] Cum notum est quid significatur per ‘numerare’ et quid per ‘filios Israelis’, constare potest quare non Davidi 13 licuit numerare populum, et quare, 14 postquam numeravit, Gad propheta ad illum missus 15 denuntiavit 16 poenam, 2 Sam. 24:1-15, et quare hic dicitur quod quisque daret expiationem animae suae, ne sit in illis plaga in numerando illos; per ‘filios’ enim ‘Israelis’ significantur vera et bona Ecclesiae, et per ‘numerare’ significatur ordinare et disponere; et quia solius Domini est ordinare et disponere vera et bona fidei et amoris apud unumquemvis in 17 Ecclesia et in caelo, ideo cum id ab homine fit, ut factum a Davide per Joabum, tunc significabat ordinationem et dispositionem talium ab homine et non a Domino, quod non est ordinare et disponere, sed destruere; si numeratio filiorum Israelis 18 non talia 19 involvisset, non aliquid peccati aut reatus fuisset in numerando illos.
[4] Quod per ‘filios Israelis’ significentur vera et bona spiritualia, quae sunt vera et bona Ecclesiae et caeli, videatur n. 5414, 5801, 5803, 5812, 5817, 5819, 5826, 5833, 5879, 20 5951, 7957, 8234, 8805, similiter per ‘tribus’, in quas filii Israelis distincti fuerunt, n. 3858, 3926, 4060, 6335, 6397; quia per ‘filios Israelis’ 21 et per ‘tribus’ talia significantur, et illa sunt innumerabilia, ideo in Verbo dicitur de 22 illis quod numerus eorum esset sicut arena maris, quae non mensurabitur nec numerabitur, Hoschea 50:10: Quis numerabit pulverem Jacobi et numerum Israelis, Num. 23:10:
23 Jehovah ad Abrahamum, Ponam semen tuum ut pulverem terrae, ut si possit numerare pulverem terrae, etiam futurum ut semen tuum numeretur, Gen. 13:16 24 , 16:10: et alibi, 25
Suspice versus caelum, et numera stellas, num potes numerare has, sic erit semen tuum, Gen. 15:5;
quod per ‘filios Israelis’ et ‘semen Abrahami’ 26 non intellecta fuerit posteritas ejus sed vera et bona spiritualia, quae innumerabilia 27 , et quoque quoad plurimam partem ineffabilia, constare potest ex eo quod non major multitudo 28 illorum fuerit quam aliarum gentium, quod etiam testatur Moscheh,
Non propter multitudinem vestram prae omnibus populis desideravit Jehovah vos ut eligeret vos, siquidem vos estis pauciores omnibus populis, Deut. 7:7:
[5] etiam 'pernumerare' significatur ordinare et disponere, apud Jeremiam,
In urbibus Hierosolymae 29 et Jehudae adhuc transibunt greges juxta manus numerantis, 33:13;
‘greges’ sunt quoque bona et vera Ecclesiae, n. 6048, 8937, 9135, ‘juxta manus numerantis’ est juxta dispositionem Domini:
apud Davidem,
Quis scit vehementiam irae Tuae? ad numerandum dies nostros, rectum notifica, ut induamus cor sapientiae, Ps. 90:11, 12 30 ;
‘numerare dies’ pro 31 ordinare et disponere status vitae; 32 et dies dicuntur numerati cum ordinati et dispositi, ita cum finiti, ut apud Esaiam,
Per 33 excisionem dierum meorum abiturus sum ad portas inferni; numeratus sum, residuum annorum meorum, 38:10:
et apud Danielem,
Scriptura apparuit coram rege Belschazare, numeratus, appensus, et divisus, 5:25;
cum enim ‘numerare’ significat ordinare et disponere, tunc ‘numeratum’ significat absolutum, sicut cum linea numeris subducta est, finito calculo.
[6] Quod per ‘numerare’ significetur ordinare et disponere, est quia per ‘numerum’ significatur quale rei et status, et quale determinatur per numerum 34 adjunctum, inde numerare est qualificare rem, et qualificatio rei in spiritualibus fit per ordinationem et dispositionem a 35 Domino; hoc significatur per ‘numerum’ apud Johannem,
Facit ut omnibus daret characterem super manum dextram aut super frontes; et ut nemo 36 posset emere aut vendere nisi qui haberet characterem, aut nomen bestiae, aut numerum nominis ejus; haec sapientia est; qui habet intelligentiam, computato numerum bestiae, numerus enim hominis est, nempe numerus ejus est sescenta sexaginta sex, Apoc. 13:16-18;
[7] agitur in hoc capite de bestia ex mari, et de bestia ex 37 terra; per ‘bestiam ex mari’ intelligitur verum Ecclesiae falsificatum per scientifica quae e mundo, et per ‘bestiam ex terra’ intelligitur verum Ecclesiae falsificatum per sensum 38 litteralem Verbi applicatum ad favendum malis amorum sui et mundi, nam ‘terra’ est Ecclesia quoad 39 bonum et verum, citata n. 9325, et ‘mare’ est scientificum in communi, n. 28, 40 2120, 2850; ‘habere characterem ejus super manum et super frontem’ est agnoscere et amare falsa illa; ‘habere nomen ejus’ aut ‘numerum nominis ejus’ est agnoscere omnia qualiacumque sunt, ‘frons’ enim significat amorem, n. 9936, et ‘nomen’ significat omne quale 41 ejus de quo agitur, n. 3006, 3421, 6674, 8274, 9310;
[8] ‘computare numerum bestiae’ est explorare et scire vera illa Ecclesiae falsificata; ‘numerus hominis’ significat rem et statum illius Ecclesiae, 42 ‘sescenta sexaginta sex’ significant quale ejus quoad omnia vera falsificata 43 et falsa ex malo in complexu, et quoque profanationem sancti, 44 ut et finem; 45 illa scire et explorare est sapientis et intelligentis, quapropter dicitur, Haec sapientia est; qui habet intelligentiam, computato numerum ejus; numerus enim sex significat idem cum numero duodecim, quia est dimidium ejus, n. 3960 fin. , 7973, 8148, et duodecim significant omnia vera et bona Ecclesiae in complexu, n. 2129 fin. , 2130 fin. , 3272, 3858, 3913, 7973, inde quoque in opposito sensu omnia falsa et mala in complexu; triplicatio numeri 46 senarii involvit etiam finem, et finis est quando verum prorsus 47 est profanatum;
[9] ex his manifeste patet quod numeri in Verbo involvant res et status, et significent quale secundum 48 numeros determinatos, ut quoque in 49 his apud Johannem,
Angelus mensus est murum sanctae Hierosolymae centum quadraginta quattuor cubitorum, quae est mensura hominis, hoc est angeli, Apoc. 21:17;
etiam per numerum 50 ibi determinatum significantur omnia vera 51 ex bono in complexu, nam centum quadraginta quattuor idem significant cum duodecim, n. 7973, 52 exsurgit enim ex duodecim in se multiplicatis; 53 quapropter etiam hic dicitur quod mensura 54 ejus sit mensura hominis, 55 quemadmodum supra quod numerus ille sit numerus hominis; sed quia hic vera ex bono significantur, additur quod illa mensura etiam sit mensura angeli, ‘angelus’ enim in Verbo significat 56 vera ex bono, 57 quoniam est recipiens Divini Veri a Domino, n. 8192.
Fußnoten:
1. se exserit in
2. deficit
3. exercitum, in the First Latin Edition and in the Second Latin Edition
4. The editors of the third Latin edition made a minor correction here. For details, see the end of the appropriate volume of that edition.
5. hic
6. exercitus
7. The Manuscript inserts ibi.
8. spirituali sensu
9. et
10. ita contra illa quae Ecclesiam conantur destruere
11. sint
12. The Manuscript inserts videatur.
13. licuerit
14. cum illum numeraverit
15. denuntiavit altered to denuntiaverit
16. The editors of the third Latin edition made a minor correction here. For details, see the end of the appropriate volume of that edition.
17. The editors of the third Latin edition made a minor correction here. For details, see the end of the appropriate volume of that edition.
18. The following two (or in some cases more) words are transposed in the Manuscript.
19. The editors of the third Latin edition made a minor correction here. For details, see the end of the appropriate volume of that edition.
20. The editors of the third Latin edition made a minor correction here. For details, see the end of the appropriate volume of that edition.
21. vera et bona spiritualia, quae sunt vera et bona Ecclesiae et coeli significantur
22. filiis Israelis
23. The Manuscript inserts et.
24. The editors of the third Latin edition made a minor correction here. For details, see the end of the appropriate volume of that edition.
25. The Manuscript inserts dixit, .
26. The Manuscript inserts ibi.
27. The Manuscript inserts sunt.
28. The Manuscript deletes illorum, and inserts filiorum Israelis.
29. The editors of the third Latin edition made a minor correction here. For details, see the end of the appropriate volume of that edition.
30. The editors of the third Latin edition made a minor correction here. For details, see the end of the appropriate volume of that edition.
31. finire ordinationem et dispositionem
32. dies enim
33. emissionem, in the First Latin Edition and in the Second Latin Edition
34. qui adjungitur
35. Divino
36. The editors of the third Latin edition made a minor correction here. For details, see the end of the appropriate volume of that edition.
37. The editors of the third Latin edition made a minor correction here. For details, see the end of the appropriate volume of that edition.
38. literae
39. verum et bonum
40. The editors of the third Latin edition made a minor correction here. For details, see the end of the appropriate volume of that edition.
41. in complexu
42. The Manuscript inserts et.
43. Omitted, in the Second Latin Edition
44. tum
45. The Manuscript deletes illa, and inserts id.
46. sex
47. The following two (or in some cases more) words are transposed in the Manuscript.
48. numeros determinatos altered to determinationes
49. sequentibus
50. The Manuscript deletes ibi, and inserts (word in the Manuscript was not deciphered by the Editors)
51. et bona, in the First Latin Edition and in the Second Latin Edition
52. exsurgunt in the Manuscript, exsurgat, in the First Latin Edition.
53. quare
54. illa
55. ut
56. The Manuscript inserts omnia.
57. est enim
Arcana Coelestia #1066
1066. Quod ‘ab illis dispersa est tota terra’ significet quod inde derivatae sint omnes doctrinae, tam verae quam falsae, constat a significatione ‘terrae’: terra in Verbo accipitur varie, in sensu universali pro loco seu tractu ubi est Ecclesia, vel ubi fuit Ecclesia, sicut terra Canaan, terra Jehudae, terra Israelis, ita universaliter pro omni Ecclesiae, nam terra praedicatur ex homine qui ibi, ut notum quoque est in communi sermone; quare antiquitus cum dicebant ‘totam terram’, non intellexerunt totum terrarum orbem sed modo terram ubi Ecclesia et sic ipsam Ecclesiam; sicut constare potest a sequentibus in Verbo locis;
apud Esaiam,
Jehovah evacuans terram:... evacuando evacuabitur terra; ... lugebit, confundetur terra:... et terra contaminabitursub habitatoribus suis; ... propterea maledictio comedet terram:... ideo exurentur habitatores terrae, et relictus erit homo pusillum.... Cataractae ab alto apertae sunt, et commota sunt fundamenta terrae; confringendo confracta est terra; disrumpendo disrupta est terra; nutando emota est terra; titubando titubat terra sicut ebrius; et hinc inde vacillat sicut tugurium; et gravis erit super eam praevaricatio ejus, et cadet, et non addet surgere, 24:1, 3-6, 18-21;
‘terra’ pro populo qui ibi, et quidem pro populo Ecclesiae, ita pro Ecclesia, et pro vastatis illis quae Ecclesiae, de quibus cum vastantur, praedicatur ‘evacuari, commoveri, titubare sicut ebrius, vacillare, cadere non surgere’.
[2] Quod per ‘terram’ significetur homo, consequenter Ecclesia quae hominis, apud Malachiam,
Praedicabunt vos beatos omnes gentes, quia eritis vos terra beneplaciti, 3:12.
Quod terra pro Ecclesia, apud Esaiam,
Annon intelligitis fundamenta terrae? 40:21;
ubi ‘fundamenta terrae’ pro fundamentis Ecclesiae:
apud eundem,
Ecce Ego creans caelos novos, et terram novam, 65:17; 66:22; Apoc. 21:1;
‘caeli novi et terra nova’ pro regno Domini et Ecclesia:
apud Zachariam,
Jehovah extendens caelos et fundans terram, et formari spiritum hominis in medio ejus, Sach. 12:1;
pro Ecclesia; sicut etiam prius, In principio creavit Deus caelum et terram, Gen. 1:1;
Absoluti sunt caeli et terra, Gen. 2:1;
Hae nativitates caeli et terrae, ibid. vers. 4;
ubivis pro Ecclesia, quae ‘creata, formata, facta’:
apud Joelem,
Coram Ipso commota est terra, contremuerunt caeli; sol et luna atrati sunt, 2:10;
pro Ecclesia, et pro illis quae sunt Ecclesiae; quae cum vastantur dicitur ‘caelum et terra commoveri, sol et luna nigrescere’, hoc est amor et fides:
[3] apud Jeremiam,
Vidi terram, cum ecce vacuum et inane, et ad caelos, et non lux illorum, 4:23;
manifeste hic ‘terra’ pro homine in quo non aliquid Ecclesiae:
apud eundem,
Desolata erit tota terra, et consummationem non faciam propter hoc lugebit terra, et atrati erunt caeli, 4:27, 28;
similiter pio Ecclesia, cujus exteriora sunt ‘terra’, et interiora ‘caeli: de quibus praedicatur quod ‘atrati sint, et illis nulla lux’ cum non amplius sapientia boni et intelligentia veri; tunc quoque terra es ‘vacua et inanis’; similiter homo Ecclesiae qui foret Ecclesia: quo per ‘totam terram’ etiam alibi intelligatur solum Ecclesia, apud Danielem,
Bestia quarta regnum quartum erit in terra, quod diversum erit ab omnibus regnis, et comedet totam terram, et conculcabit illam, et conteret illam, 7:23;
‘tota terra’ pro Ecclesia et pro illis quae sunt Ecclesiae; nam in Verbo non agitur de potestatibus monarchicis, quod profanorum scriptorum est, sed de sanctis, et de statibus Ecclesiae, qui per ‘regna terrae significantur:
[4] apud Jeremiam,
Procella magna suscitabitur a lateribus terrae, et erunt confossi Jehovae in die illo, a fine terrae usque ad finem terrae, 25:32, 33
ibi ‘a fine terrae ad finem terrae’ pro Ecclesia et pro omni quod Ecclesiae:
apud Esaiam,
Quiescit et quieta est tota terra, insonuerunt jubilo, 14:7;
ibi ‘tota terra’ pro Ecclesia:
apud Ezechielem,
Sicut laetatur tota terra, 35:14;
ubi etiam ‘tota terra’ pro Ecclesia:
apud Esaiam,
Juravi non transituras aquas Noahi amplius super terram, 54:9;
ubi ‘terra’ pro Ecclesia, nam ibi agitur de Ecclesia. Terra, quia in Verbo significat Ecclesiam, etiam significat non Ecclesiam, nam cuique tali voci sunt sensus contrarii seu oppositi, sicut terrae diversae gentium, in genere omnes terrae extra terram Canaanem: ideo quoque ‘terra’ accipitur pro populo, et pro homine extra Ecclesiam, inde pro homine externo, pro ejus voluntate, pro ejus proprio, et sic porro;
[5] raro in Verbo pro universo terrarum orbe nisi significetur tunc universum genus humanum quoad statum eorum Ecclesiae vel non Ecclesiae. Et quia terra est continens humi, quae etiam est Ecclesia, et humus continens agri, ideo est vox significans, quia involvit, plura, sed quid significat, patet a re, ut a suo subjecto, de qua agitur, et praedicatur. Exinde nunc constare potest quod hic per ‘totam terram, quae a filiis Noahi dispersa’ non significetur universus terrarum orbis seu universum genus humanum, sed omnes doctrinae tam verae quam falsae quae Ecclesiarum fuerunt.
