1297. ‘Et aduramus in adustum’: quod significet mala ex amore sui, constat a significatione ‘aduri, adustionis, ignis, sulphuris, bituminis’ in Verbo, quae praedicantur de cupiditatibus, cumprimis de iis quae sunt amoris sui; ut apud Esaiam,

Domus sanctitatis nostra, et decus nostrum, ubi laudaverunt Te patres nostri, facta est in combustionem ignis, et omnia desiderabilia nostra facta sunt in vastitatem, 64:10:

apud eundem,

Concipite quisquilias, parite stipulam; ventus ¹ vester, ignis comedet vos; ita erunt populi combustiones calcis; spinae excisae igne succendentur, 33:11, 12;

praeter alibi multoties: ‘comburi et ignis’ praedicatur de cupiditatibus, quia similiter se habent.

Fußnoten: