Arcana Coelestia # 6025
6025. Haec ulterius explicare supersedetur quia sunt mera nomina; quid illa significant, videri potest ab explicatione communi nunc supra n. 6024; et quid ipsi filii Jacobi, in explicatione ubi agitur de nativitate illorum. Hoc dignum observatu est quod filiis Jacobi 1 nullus filius natus sit in Aegypto, quo venerunt, tametsi adhuc juvenes fuerunt, sed quod omnes in terra Canaan; ipsi vero in Paddan-Aram, praeter Benjaminem; hoc fuit ex peculiari providentia Divina Domini, ut 2 repraesentarentur illa quae Ecclesiae sunt per illos a prima nativitate 3 ; quod illi nati in Paddan-Aram, repraesentabat quod homo Ecclesiae per cognitiones boni et veri e novo nascetur seu regenerabitur, ‘Paddan-Aram’ enim significat cognitiones boni et veri, n. 3664, 3680, 4107; et nativitas repraesentabat novam nativitatem per fidem et charitatem, n. 4 4668, 5160, 5598, ita primum per cognitiones illarum. 5 Quod autem filii eorum nati fuerint omnes in terra Canaan 6 , 7 repraesentabat quod inde talia quae Ecclesiae, nam ‘terra Canaan’ est Ecclesia, n. 3705, 3686, 4447, 4454, 8 4517, 5136, 5757. Quod 9 vero Josepho nati sint filii in Aegypto, erat ut repraesentaretur dominium interni hominis in externo, in specie caelestis 10 spiritualis in naturali; ‘Menasheh’ est voluntarium, et ‘Ephraim’ est intellectuale quae Ecclesiae, in naturali.
Poznámky pod čarou:
1. The Manuscript inserts qui venerunt Aegyptum.
2. repraesentativa Ecclesiae
3. sisterentur
4. The editors of the third Latin edition made a minor correction here. For details, see the end of the appropriate volume of that edition.
5. et quod
6. The Manuscript inserts praeter filios Josephi.
7. significabat
8. The editors of the third Latin edition made a minor correction here. For details, see the end of the appropriate volume of that edition.
9. autem
10. Interni
Arcana Coelestia # 4454
4454. ‘Et dixit Shechem ad patrem ejus et ad fratres ejus’: quod significet consultationem veri ex antiqua Divina stirpe cum bono et vero hujus religiosi, constat a significatione ‘dicere’ quod hic sit consultare; a repraesentatione ‘Shechemi’ quod sit verum ex antiqua Divina stirpe, de qua supra n. 4447; a significatione ‘patris’, qui hic Jacob, quod sit bonum veri, de qua n. 4273, 4337; et a significatione ‘fratrum’, qui hic filii Jacobi, quod sint vera, de qua supra. Quod ‘Shechem’ sit verum ex antiqua Divina stirpe, patet ab illis quae supra n. 4447 allata sunt; fuerat enim Hamor Hivaeus cum sua gente et familia in terra Canaane inter reliquias Antiquissimae Ecclesiae' quae caelestis; illa Ecclesia prae omnibus Ecclesiis' in universo orbe fuit a Divino, nam in bono amoris in Dominum fuit; voluntarium eorum ac intellectuale faciebant unum, ita unam mentem, quapropter perceptionem veri ex bono habebant, influebat enim Dominus per viam internam in bonum voluntatis eorum et per hoc in bonum intellectus, seu verum,
inde est quod illa Ecclesia prae ceteris vocata sit ‘Homo’, n.
477-479, et quoque ‘similitudo Dei’, n. 50 1 , 473, 1013; inde patet cur Hamor et Shechemus dicantur ab antiqua Divina stirpe, ut quoque 2 prius n. 4399 Quod Antiquissima Ecclesia quae ‘Homo’ aut Hebraea voce ‘Adam’ dicta est, fuerit in terra Canaane, prout supra n. 4447 dictum, patet manifeste a posteris illorum, qui dicti sunt Nephilim, Gen. 6:4, qui quod in terra Canaane fuerint, dicitur Num. 12:33, videatur n. 581; sed terra Canaan tunc dicta fuit omnis terra a fluvio Aegypti ad fluvium Euphratem, Gen. 15:18.
Poznámky pod čarou:
