9226. ‘Septem diebus erit cum matre sua’: quod significet statum illorum primum cum veris, constat ex significatione ‘septem dierum’ quod sit status primus illorum qui regenerantur, ‘dies’ enim sunt status, n. 23, 487, 488, 493, 893, 2788, 3462, 3785, 4850, 5672, 5962, 8426, 9213, et ‘septem’ sunt a principio ad finem, ita plenum, n. 728, 6508; et ex significatione ‘matris’ quod sit Ecclesia quoad verum, ita quoque verum Ecclesiae, de qua n. 289, 2691, 2717, 3703, 4257, ¹ 5581, 8897; inde sequitur quod per ‘septem diebus erit cum matre sua’ ² significetur status primus ad plenum seu integer a principio ad finem, quando in veris. Quomodo cum his se habet, in sequenti articulo dicetur.

Poznámky pod čarou:

2691. ‘Audivit Deus vocem pueri’: quod significet tunc auxilium, constat a significatione ‘audire Deus vocem’ in sensu historico quod sit ferre auxilium in sensu interno, et a significatione ‘pueri’ quod sit spirituale verum, de qua prius; hic quod sit status in quo spirituale quoad verum esset, nam dicitur quod ‘audivit vocem pueri’, et mox in hoc versu, ‘audivit vocem ¹ pueri in quo ille ibi’, nempe in quo statu, et in praecedentibus, quod in statu summi doloris ob privationem veri esset. Quod vocem pueri, non Hagaris, dicatur audivisse, es quia de statu spiritualis hominis agitur; per ‘puerum seu Ismaelem’ repraesentatur spiritualis Ecclesiae homo, per Hagarem matrem ejus affectio cognitionum veri, quae est cui dolor; rationale hominis nascitur ab affectione scientiarum ut a matre, n. 1895, 1896, 1902 ² , 1910 2094, 2524, sed spirituale ejus ab affectione cognitionum veri ex doctrina, cumprimis ex Verbo; ipsum spirituale est hic ‘puer’, affectio cognitionum veri est hic ‘Hagar’.

Poznámky pod čarou: