17
Et ingressus est domum suam, Ananiæque et Misaëli et Azariæ, sociis suis, indicavit negotium,
Daniel 2:17
Apocalypsis Revelata # 660
660. "Et victoriam habentes de Bestia, et de imagine ejus,
et de charactere ejus, et de numero nominis ejus," significat illos qui rejecerunt solam Fidem, et doctrinam ejus, et sic non agnoverunt et imbuerunt falsa ejus, nec falsificaverunt Verbum.-Per "Bestiam" significatur fides Draconis apud Laicos (de qua 13:1-10) 1 , quia ejus imago facta est (vers. 14 ibi) per "imaginem ejus" significatur doctrina (602, 634, 637); per "characterem" significatur agnitio illius fidei (605, 606, 634, 637, 679); per "numerum nominis ejus" significatur falsificatio Verbi (610). Ex his patet, quod per illa verba significentur qui rejecerunt solam Fidem et doctrinam ejus, et sic non agnoverunt et imbuerunt falsa ejus, nec falsificaverunt Verbum.
Poznámky pod čarou:
1. 1-10 pro "1 ad 11"
