5200. ‘Et pingues carne’: quod significet quae charitatis, constat ex significatione ‘pinguis seu pinguedinis’ quod sit caeleste et praedicetur de bono quod est amoris et charitatis, de qua n. 353; et ex significatione ‘carnis’ quod sit voluntarium vivificatum per bonum a Domino, de qua n. 148, 149, 780, 999, 3812, 3813, ita quoque bonum quod amoris et charitatis; inde sequitur quod per ‘pingues carne’ significentur quae charitatis, cum per ‘pulchras aspectu’ quae fidei; ita describuntur vera naturalis quae ¹ significantur per ‘vaccas’, per suum formale et per suum essentiale; formale constituunt illa quae sunt fidei, et essentiale illa quae sunt charitatis; quod ita sit, non apparet ex sensu litterae.

Mga talababa: