Vera Christiana Religio # 143
143. Operatio harum virtutum est Spiritus Sanctus, quem Dominus mittit ad illos qui credunt in Ipsum et se disponunt ad recipiendum Ipsum, ac intelligitur per Spiritum in his locis, "Dabo novum Cor et SPIRITUM NOVUM; SPIRITUM MEUM dabo in medio vestri, et faciam ut in salutis via 1 ambuletis, Ezechiel 36:26-27; 11:19. 2 Cor mundum crea in nobis Deus, et SPIRITUM FIRMUM innova in medio mei; reduc mihi gaudium salutis tuae, et SPIRITUS SPONTANEUS sustentet me, Psalmus 51:12, 14. 3 Jehovah format SPIRITUM 4 HOMINIS in medio ejus, Sacharia 12:1. 5 Anima mea exspectavi Te nocte, et SPIRITU MEO in medio mei exspectavi Te mane, Esaias 26:9. 6 Facite vobis Cor novum et SPIRITUM NOVUM, 7 quare moriemini Domus Israelis," Ezechiel 18:31: praeter alibi. In locis illis per Cor novum intelligitur voluntas boni, et per Spiritum novum intellectus veri; quod Dominus operetur haec apud illos qui faciunt bonum et credunt verum, ita apud illos qui in fide charitatis sunt, patet clare ab his ibi, Deus dat animam ambulantibus in ea, 8 et ex hoc, quod dicatur Spiritus spontaneus; et quod homo operaturus sit ex sua parte, ex his, Facite vobis cor novum, et spiritum novum, quare moriemini domus Israelis.
Mga talababa:
1. Cf Schmidt et DD 49 in statutis meis ubi in prima editione in salutis via.
2. Prima editio: Esaias 36:26, 27; Ezechiel 11:19.
3. Sic Schmidt et Biblia Hebraica, sed 51:10, 12 apud Biblia Anglica. Prima editio: 51:12.
4. Prima editio: SAIRITUM.
5. Prima editio: 11.
6. Prima editio: Esaias 36.
7. Prima editio: Spiritum novum (cum italicis).
8. Sic prima editio. In margine autem exemplaris scriptoris, legimus statutis Ipsius.
